New Delhi Nonawn Pawl Ih Biazai Cabu

Ka Nu, Chin Ram

Semnak tualrawn kan Lairam te
Hring deldi tlang le ciarbek thawn
Hngilh ni umlo kan nu Chinram

Aw…..ziangtluk maw na sunglawi  ih
Kan puitlingnak ka nu Chinram
Tahthimruallo naduhdawtnak

Lairam khualipi mawi hlei e
Cirhti thiang le thingrah phunkim
Par mawi phunkim, ninu bang iang

Mankhung thilri neilo hman ning
Mifim mithiam raltha in hrin
Tluang dang ruah ah naduai velo

In ngaithiam hram ka nu chinram
A hring ramkulh baltheh tiang in
Thlaza cam hram ka nu Chinram

Salai-Clian@kingte

Lairam Ruun Inn

Ninu hawng suak, caan her liam e
Saltang bang e, kan lairam ah
Duhmi tang thawn um tlang thiam lo
Kawlram uknak

Pumcawmnak hawl e, Ramri kaan’n
Kaan man um lo, mi lawng theh hai
Mai ruun inn hman hlum ngam lo in
Ram dang ah maw……

Har tuar fualfo, Delhi ah e
Vaipawl kut hnuai “jeldi” ti’n
Zam neih hmuah suah “Jeldi” tho -tho
Lairam kan ruun, na zalen bik

Lairam ahcun “hotel” bang in
Delhi ahcun  sal bang tang e
Kan Cung Mang Bawi  zangfah hram law
Chin tuurual pawl
Salai-Clian

Mai maw…
Tuizan cu zuun ngainak tlang par ah kei mah te
Ka ruahsannak hmuahhmuah thli bang a hrang
Hi zaan ,
Ka lungthin buai tak -tak zaan, ka ban tawk thu ka ruat
Kei lung hnemtu ka hmu lo e, na aanthlum lo cu

Thai sun:
Ninu rung suak nang suak um lo, lenrual in sut nangmah lawng maw ?
Mitthli a luang, hnultu um lo kei mah te lawng
Mai maw :
Lenrual dang cu kop kim te in, tiam cia bia thu
Kei lungthin zingpul ah a ziam, tang dang in liam san
Kir ni,

Um caan, kan cang hrei inMit hmai panthawn hmuah ding beisei in maw
Coffe haikhat ka von zoh cu mitthli a rak khat.

Salai-Clian

Van Cung Fala
Zaan thla vang hnuai Khum par ah zau
Lung ka duh zaan mang lawng ah maw
Ross par bang na mawinak
Zing khuatleu bang na mengnak
Na cawnvar mawi te cul ning e
Cung sin ce hlei leng nu nasi
Na cawn a mawi , na hmel a tha
Na kut nem te kaih ka nuam e
Ka hrangah lung man khung hnak in na khung sawn
Salai LM

Sabit Par
Duhte……….lailun rawn cuan’n
Ram dai thiangah leng tlang’n
Cirhti thiang kan tlan ding
Hmu hai seh, zatial kai’n

Duhnak sungah kan ciah aw ding
I hruai aw la lebanon tlangpar ah
Hmun khat ah nuam in
Kan tlan hlo ding
Nang arsi tleu note
Duhnak cu mit ah ni bang a tlang

Salai… Mazawn

Na Hrang Ah ;;;

Khua za ka ruat, nang conak ding
Kei ngai nang thawn co aw ding cu
Ka von ruat sal,
Zing, sun, um lo ka aihram e
Ninu bang tluang dang na liam ding
Pipu aankaa laiking ti bang
Mitthlam rung lang na liam ding hi
Tawk seh,
Nathu, nahla, na thuanthu mawi
Kei Chin tuu ka ram then ding
Ka ruat ngam lo
Ka lo duhko nan’n a cang thei lo
Mai maw ………….
Na theithiam lo men ding
Duhdawtnak zuun hri cu
Lungthin sung ah an ziam

Salai-clian

Ka ThinLung

Na aankaa nem ka theih caan ah
A buai theu maw? ka lungthin
Duhmi theithiam hram maw
Kei valpa duhdawtnak
Tuar thiam a har
Awm-ir  duhdawtnak cu
Khuaza ka ruat, in duhnak ding
Lei nu, lei pa lairel nak maw…
Kan herh zuunkhung na hrang ah ti’n
Pualva lungthin pu in
Rinum ten’ maw …..
Na hrang ah
Salai Chinlee

LaiLun Fala
Mawi siarsi na hmel duhnung te
Ninu bang iang nei leng
Saphai bang na ziaza te cu

Voikhat zoh ih atcilh tlak za
U tawng bang `na ruangrai mawi te
Vaimit cawl ko tuah thei tu leng

Delhi lailun lengdawh
Lengdawh vairang lak ah
Na duai ve lo na style mawi

Nengmit bang na mengnak ah hin
Val rual lungthin na ti buai e
Cumi ah “Kei” ka rak tel ve ko

Salai C. Lian

ZoSi ?

Ka nu le pa thawnin inthen ter tu

Zo si ?

Sung le khat thawn inthen tertu

Zo si ?

Rual le pipawl thawn inthen tertu

Zo si ?
Kan ruuninn pi thawnin inthen tertu

Zo si ?

Ka lung duhmi thawn inthen tertu

Zo si ?

Ka tumtah mi in siatbal  tertu

Zo si ?

Chinram thawn inthen tertu

Zo si ?

Zo si…Zo si…Zo si…??????

Salai Hastal

Ka Lung Thin Neitu

Zing ni suak bang na mawi nak
Ka hmuh dah kel lo val dawh
Ka lungthin ah na cam ee

A poi ka ti, lengnu rak si cu
Duhnak sim ngam lo’n
Tik cu caan a liam ding

Na duhnak par mawi
Zaan mang lam lawng ah maw
Ka lungthin nei tu na rak si…….
Mai-Deficate

Aw””””…….Chinmi
Cung zing nui siam  kan Chinmi phun
Hnam tin inpe calai tong cio
Ral bang tho e
Tong ruang ah maw …….

Aw…………duhdawt mi
Nanni, kan ni, kan ti
Lungthin a har Chinmi
Ram dang mi maw ?  kan si

Chinmi,
Pualva a tap
Chin tuu ruang ah
Lung rual uh si

I.T san ah Parkhat tlan in
Remaw uh si
Siamtu a tlan pang ding
Chin tuu rualpawl

Salai C Lian

Tih Hrut A Poi

Na meng a mawi
Na aankaa khuaizuu bang
Mit ton caan ah
Kei lungthin hnin

In hrem siang hlah, dawtnak neitu
Zo cei mi na si, hmin theilo fala
Zing sun um lo nang thu ruat in

Merem thiam lo nang ngainak ah
Lo sim ka tum, ka lo duhnak

Sim man hlan ah
Tang dang na liam .
A va poi ve………..
Tih hrut a poi……

Salai H. Thang

Rin Um Te Mai

Nang cun a rei tuk
In thei nawn lo, na rak ti ding
Tang dang pom ah in ngai hman aw
Nang lo leng dang pom hlah ing e
Hmuhthei lo nak tlanghra dang hmanseh maw
Rinum te maw …..

Nuam ve hlah e nang um lo nak
Nuam in, in ngai ding, nang
Mitthli doral ah kei mah lawng

Salai kan ram hrang
Lam ka sial e
A …cui sung ah rin um te maw …..Mai…..
By- Thupte

Rak Hngilh Hram Hlah
Parmawi tin an par suahnak
Zilthli nem hrannak

Ti thiangte a luannak
Rinum pualva lennak

Na suahsemnak
Na laihri tannak

Na tanta mi
Chinram
Nitlaknak ram in
Rak hngilh hram hlah aw

Mai D. H Par

Ka Pa……….Ka Pa……..

Ka thei thiamlo, khua nui lairel
Lengdawh, valdawh
Na siam mi pawl
Mai duh tang hlum thiam lo
Tang dang in hnon
Duh lo Duhlo ti man um lo
Aw………..laireltu
Chinram tan in ramdang in kuat
Ka pa na san von zoh
Hmuh lo tang sung um ding
Ka ruat ngam lo
Kir zai rel hram
Ka pom thiam lo, Ka nuam thei lo
Duh tui tang lo cu
Ka kir sal ding
Mai-Tang then

Pasel Pasel

Nu nu …………..Pa Pa…………
Ziangtin……………….Ziangtin………
Ka ruat ngamlo minu thu hla
Pasel………..Pasel.………..anti….
Leinu, Leipa lairelnak ah
Ka par cuai e
Ram dang an kuat
Ka duhmi leng
Lenlai caan maw ka dam san e
Vansia lak ih vansia bik KEI
Ram dang ih um val rual
Ziangruang ah in pasel sak ih
Kei Chinram hlum, duh co lo in
Ka ziam ding maw ;;;;;;;;
Tuar thiam rual lo na thuanthu pawl
In tuarpi hram ram dang feh rual

Salai- Valte

Na Sim Thei Pei Maw?

Sum a um hnuhnu cun
Ruahsur lo ding in, ziang tin na sim
Thei ding ?

Thli a hrang hnu hnu cun
Thinghnah tla lo ding in ziangtin
Na sim thei ding

Zuun tuar nat nei lo ding in
Ziang tin i sim thei ding
Nang na um cun

Mai-D.H Par

Comments

comments

Comments

%d bloggers like this: