New Delhi Ah Dawr Kan Ong Thlang

New Delhi Kala pawl lakah kan Chinmi pawlin dawr pakhat an  ong thok ih a hmun rori ah kan palai pakhat feh in thutawi suhnak a va nei.

Kan dung thla April ihsin thil an zuar thok.

An room sanmi hi thla khat thawnghnih lenglo an pe.

Dawr neitu cun an khawng thei zet thu le nuam a ti thu a rel.

New Delhi Chinmi pawl umnak hmun pi pakhat Sitapuri veng lilainak hmunbik ah a siih tlangval vak sukso pawlin an lei duh zet.

“Kala pawl lala khalin in lei rero” tiah dawr neitupa cun a sim.

An zuarmi pawl hi kawlram thilri vial a si. Mi tampi ih ngaizetmi thil ei tha a phunphun a si ih man olte ih zuar a si.

Chinmi tampi cun hi dawr fate zet hi an ngai naa ih an pan ringring theu tiah a kiangkap tleirawl pawl khalin an sim.

An dawr hi zinglam nazi 8:00 ihsin zanlam nazi 10:00 tiang an ong theu.

New Delhi ih raltlan ceng zat thawnghra leng an kim zo. Mipumsiarnak cazin pakhat ahcun thawnghleinga an nai zo tiah ngan a si.

(Visited 46 times, 1 visits today)

Comments

comments

Comments

%d bloggers like this: