New Delhi Ah CCYI Khawmpi Nei

New Delhi ah CCYI Khawmpi a vei (2)nak cu DBCF biakinn ah 19.6.12 zan ah hluanghlaizet in neih a si.

Cuih CCYI khawmpi ah Zirnak Hlawhtling Pawl Sunloihnak cu thupi hleice ih neih a si. Cuih zan ahcun kawhhran pi pali a si mi DBCF(Delhi Burmese Christian Fellowship), ZCF (Zanniat Christian Fellowship), GBC (Gospel Baptist Church) le LFBC (Living Faith Baptist Church) ih mino le saya, hruaitu upa le nu le pa pawlin thathozet in an ra khawm a si. Khawmnak ah, theology le secular lamih buaihngah minung 13 cu sunloihnak laksawng le capi pek a si.

Cun CCYI New Delhi advisor Pa Thian Za Thang in CCYI thuhla simnak, Rev. Hoi Luai in CCYI hrang thlacamnak, Dr. Run Bik in thucah tawi simnak, Rev. Sui Nei Piang le Rev. David Mang Hrin Luai pawlin Pathian thu thawn thuthangtha simnak le CCYI New Delhi president Van Bawi Thawng in lungawithu simnak an nei a si.

Cun Pathian hla le phunhnam duhdawtnak  hla cu paakzai in siseh, kopzai in siseh, choir hlarem in siseh a phunphun in sak in zaihla in mipi awinak an nei a si.

(Visited 58 times, 1 visits today)

Comments

comments

Comments

%d bloggers like this: