New Delhi ah calai Seminar nei ding

CT/New Delhi, Feb, 14: India khawpi New Delhi ih um Lailun Foundation pawl cun calai seminar thupi takih an tuah tum thu CT palai pakhat hnen ah a sim thei. Kan dung December thla ahkhan Lailun Foundation New Delhi pawl in nonawn ram hlasak zuamawknak hlunghlai takin a rak tuah zo.

Tuitum ih calai seminar ding khal hi mipi in an hngakhlap zet. Delhi Lailun Foundatin lubik Pa Ngin Za Pum cun “February 28, Living Faith Baptist Church ah Calai Seminar sml 1:00PM ihsi kan thawk ding ih mipi nasa zetih kan suahkhawm ding khal ka thinlung zet” a ti.

New Delhi Lailun Foundation group pawl cun kan calai thanso an duhsak zetih himi ni ah hin mi pathum hnen ihsin paper presentation an nei ding. Cumi, papar presentation neih a si hnu ah a huho ih calai feh daan relnak neih a si ding.

Hotubik Pa Pum ih sim vivo nak ahcun mipi lungrualten kan calai feh daan hi kan zoh ding. A hleice in, hini ah mipi in mai thinlung ih khawlkhawmmi kan calai thuhla pawl phorhsuah theh ding khal kan cak zet a ti. Ei in thaw zet a um ding thu khal a telh bet.

(Visited 26 times, 1 visits today)

Comments

comments

Comments

%d bloggers like this: