Net Work Connection le Nunau Connection

Net Work Connection le Nunau Connection                       

Internet Connection tha te ih la ding cun, a Company pi ah sumpai le proof phunphun thawn pekluh awk ta a tul bangin, fala ngamzet ih leng thei ding cun, an nu le pa si maw, an mah kilkhawitu kha biak rem ta a tul theu. Company ah sum kan pek hnuah, Internet hmang thei dingin ni thum tal hngah a tul bangin, fala khal an sungkhat unau thawn remawk khal sehla, an mah ngaingai vun kawm ding cun hngah an t.ul thotho. 

Connection lak pek ahcun cak zet vek khi a bangih, hman nuam kan ti duak bangin, fala khal vun ngai pek ahcun an zia an thup mawi aw laiih, nunze mawi zet khi an rak bang sung theu. Can a hung rei ih, connection a siat leuhleuh, Company pawl hnenah phone a tul, pek le pek ah, cubang in, nunau khal maw, can a hung rei cun an nun zia an thup mi cu a hung lang vivo ih, ngawl an hmang thok, an sungkhat kawm lala an t.ul t.heu. 

Thla a hung kim zik cun, “Na connection can a cem zik thlang, zamrang ten connection kha renew sal aw” tiah mi a hun sim leuhleuh bangin, nunau khal in, cumi kha mi na tuah lo le, cutin kha tin na ti lo ahcun maw, kei cu… tiah tlangval pawl mi an hring t.heu.

 Connection a siat leuhleuh ih, nin a hung um cin ngaingai ahcun, “Khai anmah lawng Company um an si lo pi, Company dangah ka thawn ding” tiah kan ti theu bangin, nunau khal an ngol tam tuk ih, an thu a hung tam rei cun, “Aaaaa…. Nang lawng nunau an um lo, nunau dang thar hawl ding an tam” tiah an sim theu. A cem netnak ahcun, connection thar lak cu sumpai a let rori ih a cem t.heu ruangah la ngaingai lo ih kan um theu bang in, fala thar hawl cu thil olsam tuk a si theu lo ruangah, mai bu kel ah kua kan hreuh lala theu tiah tlangval pawl ih an sim mi ka thei.

                                     

(Visited 38 times, 1 visits today)

Comments

comments

One Comment

  1. kei tla a dik ka ti na sa ti seh la ka thei ngai ngai hrih lo ih a si ding cu a bang ka ti

Comments

%d bloggers like this: