Nepal Ram Vanzam A Tla

Nepal Ram Vanzam A Tla

Mizan sunah Nepal ram khualtlawng phurtu Vanzam a tla ih minung 22 an thi. Hi Vanzam hi an ram khawpi Kathmandu ihsi Km 162 ih hla Lamidanda Airport ihsi Kathmandu khawpi panih zuangsuak a siih, a zuansuak hnu reilo ta ah an ram saklam Himalaya tlangkiangah a tla.

Palik bawipa Raj Sharma in a sim nakah hi Vanzam tlahi a parhkuai thluh ih, a kekkuai them pawlkhal Metre 200 ih hlaah an pet hlo thluh ih,curuangah a tlakhlan ihsin a puak a si ding tiah an zumthu a sim. mithi ruang 20 cu hmuhsuak zo asiih, midang 2 khalhi nungdam ih an um zum a umlo. Hi Vanzma ah hin khualtlawng minung 19 leh a hnattuan tu minung 3 an to ih Vanzam neitu Tara Air hotu pawlcun hi Vanzam ih to pawl,lakah minung 1 cu America mi a siih, midang cu Nepal rammi an si tiah an sim. an zate hin Lamidana ih Hindu Temple ih feh an siih, cumi hnuah Kathmandu khawpi pandingih zuangsuak an si.

NATO Ralkap in Afghanistan Ralkap Kap That Pang

Mizan sunah Afghanistan ram thlanglam Helmand Province ih Musa Qala District ah NATO ralkap pawlin Afghanistan ralkap Duty suak pawlcu Tapung misual hmang tiah an neihsual ih Vanzam in an kapih ralkap 4 an kapthat.

Afghanistan ramah hin NATO ralkap leh Afghanistan ralkap pawlhi hmun dangdangih an um ruangh an kapsualaw pang theuih, tuikum August thla khalah NATO ralkap pawlin Jowzjan Province ah Afghanistan Palik pawlcu Tapung ah ruatsual in Vanzam in an kapih Palik 3 an kapthat zoih, July thla khalah khan Ghazin Province ah NATO ralkap pawlin Afghanistan ralkap 6 an rakkhap thatzo.

(Visited 55 times, 1 visits today)

Comments

comments

Comments

%d bloggers like this: