Nemhnget ciami Rintlak Sinak

November 29

Tlawngkai Nili

 

Nemhnget ciami Rintlak Sinak

                                                           

Bible Siar Ding: Saam 9:1-10

 

Maw Bawipa, Na hmin a lo ko theitu cun an lo rinsan ding. Ziangahtile Na hnenih a ra mi cu Na dungtun dah lo.

–  Saam 9:10

 

Thehlaarnak pawl (advertisements) hi a caancaan ahcun thil mankhung: mawttawka, le thuamhnaw pawl kha a man an khiah ciami hnakih tam sawn in lei duhnak thinlung nei ko in mi an leem thei. Cun atak ih kan lei tikah a zuartu in cuih thilri ih tthat zia le aamahkhan a um zia nasa takin in sim bet hrih lai. Rinsantlak sinak cu ziang a si?

Tuni kan nunphung ah mi pakhat thinlung takih va rinsan ding khi thil harsa ngaingai a si. Kan zate in midang hnen ihsin thil ttha lo pittawp tong thei dinhmun ah kan um cio. Kan theih dah lomi pawl cu kan theih lo ruangah kan zum in kan rinsan thei taktak lo, ih kan theihtuk mi lala khal kan theihtuk ruangah rinsan ngam loin kan um thei.

Sikhalsehla, Pathian cu kan thei deuhdeuh asile rinsan tlak a si zia kan thei sinsin a si. A Ttongkam cu rintlak a si, ziangahtile a dik a si ti’n nemhnget ciami a si ruangah. A duhdawtnak cu rintlak a si, ziangahtile ruangah timi um loin (unconditionally) in duhdawt ruangah. A dikfelnak cu rintlak a si, ziangahtile A Fapa Jesuh thihnak in a nemhnget zomi a si ruangah.

Lei khawvel cun kan rinsan theinak dingah hril dingmi a phunphun in pe. Asinan Pathian cun Amah le Amah kan hrangah a pe aw, A hmin le a sinak pawl in hlawm, curuangah kan theihmi Pathian cu rintlak taktak a si.

Bawipa Pathian, Rintlak na si zia cu a dik a si tiih nemhnget ciami a si ruangah ka lo rinsan thei ih ka lung a awi.

Pathian in rintlak a si zia ka nunnak ah ziangti’n a phuanglang? Tuni ah a rintlak sinak cu zo hnenah ka hlawm thei ding?

 

@Pennington

Comments

comments

Comments

%d bloggers like this: