Neihawknak! Maw Ṭhitumnak!?

 

 Salai Mupi
Yangon, Myanmar

Kan ṭong si lo kan tong khal ih um cingin kan ṭong vek ih kan lakluhmi diklo zet ih ka theih ve mi cu Lai holh hmang pawl ih tong ” Thit-umnak” hi a si.

Kan ṭong koseh khal ah siseh, kan ṭonghram thuhla tiang khal ah siseh” Ṭhit um aw” lole Ṭhitawknak”ti kan hman lai ka thei dah lo.

“Nan duhawknak a rei zo ih ziang tikah “nan nei aw ding”lole ziangtikah neihawknak nan tuah tum ti a si theu ih

Laihlolh cun, “Nan i dawtnak a sau cang , zeitikah “nan i tthi-um la’ Lole zei tikah dah “tthitumnak” nan i tuah la ti hi Laiholh hmang Chinmi ih tong dan a siih kan nih Laitong hmang Chin mi cun  Nei aw lo ih rak tthitumawk ve ciamco ttulnak ka thei lo.

An sim ṭheu mi cu “Kan Falam Bible sungah neihawknak tin a um lo , ṭhihumnak ti sawn a si” tihi an tan san a si, An sim bet mi cu “Thitumnak cu tonng khun, tong upa a siiih neihawknak cu khawlak tong menmen ti tu tla kan um riangri hi cu Mah hringtu NU ngainepih nudang ngaisan, khaisan thawn a bangaw….

Theih feng lo ruangih thitumnak rak hmang pangtu, tong ngaihsak lo ruangih thitumnak rak hmang tu, kan tong diktak ih neih ruangih thitumnak hmangtu, ziang kha thei cuca lemlo ruang ih thinthiang tei thitumnak rak hmang sual pang theutu kan si hmangah < tui ni, tui hnu, hmailam can isi cun  kan tong dik a si mi neihawknak sawn hmang vivo uhsi….

Hi thu hi tong biter thu si lo in Kan neih felfel mi kan tong dik hmang sawn uhsi ti thu a si.

Mi ttong lak thiam hi a ttha kan ti hman ah kan ttong tanta tahrat ih mi ttong va lak , ngaisan le hman ciamco hi kan phunhnam thansohnak hrampi bik a si a zum um lo zet fawn,

Ziangtikah saw nan tthitumnawk i, ka rak theih si lo, tivek a um dah lo, kan hmang dah fawn lo. Ziangtikah saw nan neihawk i, ka rak theih si lo, ti sawn si ee kan tong  diktak le hman kumkhua ding cu!,

Sim tel ve ttul m i cu “Nupi, Tthi, Tthit” timi hi kan tong a si lo tinak a si lo.Kan tong khal in hman ve cang kan nei. “Nupi ka nei thlang ding lole Nupi ka thi thlang ding ti in kan hmang ve theu. Tthi, le Tthit cu kan tong diktak a si konan  “um” timi tel ih Tthitum hi cu kan tong a si titu kan um pang hman ah ka tong a si thu ka rak thei dah lo zawng tak a si …

Tthitum -Lai hlolh
Tthitumaw- Lai holh
Tthitumnak-Laiholh

Thi-Lai t’ong
Nei aw- Lai t’ong
Neihawknak-Lai t’ong

Comments

comments

3 Comments

  1. tthitum,thitumnak hi a ttha tuk.mi si a hmaanmi zong si……hakha le falam cu kan holh a khatmi a tam tuk i..mah ruang ah hin laikhat te kan sinak a langhter,,,cucaah hmailei zong ah kan holh kan ca hi kan bang ter,,kan lawh ter chinchin lai i..hmunkhat ah lungrualnak he

  2. si ko,

    tthit-um ti khal kan ttong ah ret ding si ko…..halkha le falam ti lam hman si lo in…..mi tampi in kan hman zo mi a si fawn…

    ttawng hi a bi zawng ih hmang lo in a kau zawng ih hman khal a theih ve thotho

    leo

  3. Mai Falam suak says:

    Salai Mupi Falam khua sung suak ngaingai na si maw lole khua dang ih suak ha na si, Falam peng sungih tong pawl hi teh na thei thluh maw lole na thiam thluh maw tiah hmai sa ka lo sut duh?
    Țhiț um nak ti hi ka țong dik tak asi. Kan țong thufim sungah thu theih fiang lo rel cu buai nak ti asiih hi ca hi teh thei fiang ngaingai in maw na ngan thei mumal lo in ha na ngan? Hi ti ih ca na ngan hlan ah mi tam pi sut ta research tuah ta awla cu mai țong le mi țong na thei fiang ding nan….[Kan neih felfel mi kan tong dik hmang sawn uhsi ti thu a si] na tiih kan țong dik tak na timi hi Laizo țong na sim duh mi si ko ding tin ka ring ih, Laizo țong hi țong tam pi rawiaw/cawhpolh hokhaw asi kau deuh in zoh awla. Thinlung thiang ten le hahdam ten aw thu hi kan theih fel hnu ih ngan a țha tiah mal te ruah ka ruah nak ka run rel ve sihi.

Comments

%d bloggers like this: