Nehtu

happyguy
Nehtu

A veihnihnak leitlun ralpi a reh pekte, Italy ram, innsang tin ah eihawlnak lamah harsatnak an nei cio. Gorge ti ih kawhmi tlangval pakhat cu innsang hrang, hnatuan hawl dingin inn ihsin a suak. Vanthatnak ah, Dawr pakhat ah hatuantu an duh thu catarmi a hmu. Hnatuan diltu cu Gorge thawn, mi pariat an si.

Dawr neitu pa in hnatuan diltu pawl cu a zoh hai ih
“Nan zaten mitawk zet hlir nan si ti ka lo thei. Asinan ka dawr ahcun hnatuantu mi pakhat lawng ka tul fawn! Hitin kan tuah pei, Game pakhat nan lek ding. A nehtu in ka dawr ah hna nan tuan ding” a ti.

An leh dingmi game cu hmuibat a si. Thuam pakhat a um ih cumi thuam parah hminsinnak a um. Dawr neitu pa cun Saihlum pahra a pe ih hnatuan diltu pakhat hnu pakhat a lehter. Saihlum in thuam parih hminsinmi cu an bat fingfing. Asinan an thelh thluh. Zohman in hminsinnak zawng an bat ngahlo.

Cumi ni cu nehtu um loin caan a liam. Dawr neitu pa in
“Tui sun ahcun zo in hnatuan a ngah ti kan thei hrihlo. Thaisun ah ra sal uhla, himi game thotho kan lek sal ding” a ti.

A thaisun Goge thawn mi pali lawng an ra suak. Dawr neitu pa in
“Ummm… nan nih ni mi menmen nan silo ti ka thei. Nan rualpi mi pali cu zuamnak tel riai lo in nan nehzo” tin a ti.

Mi zaan vek thotho in mi pali cu hmuibat a lekter lala. A hmailam ih mi pathum cun an theh thluh. Thuam parih hminsinnak cu veikhat hman an bat ngahlo. Gorge ih leh caan a kim. Gorge cun saihlum hlumhra ah hlumruk in hmisinnak a bat ngah. Cutin Gorge cun hnatuan a ngah ta riai.

A dang mi pathum in Gorge kha
“Na van a va tha ve” an ti.
Gorge cun hnisiamsi ten
“Mi zaan, zaanvar ten inn ah hmuibat daan ka zir ciamco si. Kei cun ka rak timtuah cia ruangih ka parih ra thlengmi a si sawn in ka thei” tin a let.

Hlawhtlinnak timi hi rinlo pi ih ra cang thutmi a si lo vekin vanthat ruangih ra cangmi khal a si cuanglo. Caantha a ra thlen hlan ihsin timtuahnak kan rak neihcia ruangah a si sawn.

Hminsin: First Step timi cabu sung ih ta a remcan dandan ih lehsalmi a si.

Mai Zilthli Lal Nei Thluai

 

(Visited 457 times, 1 visits today)

Comments

comments

Comments

%d bloggers like this: