Nehtu Zate

June 24

Tlawngkai Nili

Nehtu Zate

Siar:

2 Korin 9:6-15

Lungawi aipuang teih a petu lawng Pathian in a duh a si.  -2 Kor. 9:7

Kumkhat Sung Baibal:

–    Job 1-2

–    Tirhthlah 7: 22-43

Khristian phunsang tlawng pahnih a simi Azusa Pacific University le Westmont College cu 2008 kum ih bawlung champion cuh awknak an lekmi cu neh ding hrang lawng a si lo thu Los Angeles Times thuthangca in a suah. An lek hlante nithum duh ah Westmont tlawnginn, tlawngkulh sungih tlawngta le hnattuantu pawl umnak inn pawl cu ram meikaang in a kaang ttheh. Innteek an ttuan thei lo ruangah a daan vekin cawhkuan kuan ding an si. Cutikah Azusa in suncaw le lek man khal pek ttul loin an tlawngah ra lek dingin an sawm.

An lek tikah Westmont in goal 2-0 in a neh ih Azusa in thinlung tthat ruangih upatnak a ngah. Los Angeles Times thuthangca ngantu Bill Plaschke in, “California ramtthen thlanglam ih leh zuam awknak ah hi tluk lungput ttha  thawn leh zuam awknak cu a harzet. Azusa in a champion humnak ding caan ttha cu Westmont hrangah a thaap. Nehtu pawl ih an mi hiipnak cu an nehmi pawl parih an tuah tthatnak hi a si,” tiah a ti.

Baibal in, “Lungawi aipuang teih a petu lawng Pathian in a duh a si,” (2Kor. 9:7) a ti tikah paisa peknak lawngah kan ruat pang ttheu. Midang pawl caan ttha pek le mikhual zoh tthat tla hi mi hmuahhmuah nehtu lakih in teltertu, siangzet ih peknak a si kha hngilh hlah uhsi! – David McCasland

Kan pekmi laksawng pawl le,

Kan tuahmi ttuannak pawl hi,

Khrih sunloihtu ngaingai an sibik,

Kanmah le kabmah khal kan pekawk tikah. – D.De Haan

Peknak in pekmi laksawng hnakin petu ih nunzia a langter.

Comments

comments

One Comment

  1. tuah htat nak in van ram a thleng maw

Comments

%d bloggers like this: