NAUHAKTE IH ZUMNAK

January 6

Tlawngkai Nihnih

 

Nauhakte ih Zumnak

 

Siar:

Matthai 18:1-5

 

Nan thinlung nan thlengh ih hih nauhakte bangtuk nan si lo ahcun vancung uknak sungah nan lut dah lo ding. –Matthai 18:3

 

Kumkhat sung Baibal:

          Seemtirnak 16-17

          Matthai 5:17-48

 

Nipi Ni nikhat cu Mike in a nauhak telai ihsin a cawmtu le van ih a Pa, pa pahnih a neihmi thu a sim.

 

Leitlun a pa cu mi tluangtlamzet a si ih a rinsanzet. Asinain a duhdawtnak le ngaithiamnak pawl a hngilh ttheu ruangah a pa a lungawi lo ding a phangzet.

 

Mike in a simmi cu, “Kan dung kum rei hrih lo ah thil ka siatter ttheh ih mi tampi thin ka naater. Ka sualnak ruangah van ih ka Pa thawn kan pehtlaih awknak le nomnak tla a hlo. Ka siattermi in rem tthat saal dingah le ruahnak ttha pe dingah ka Pa hnen ih dil ding ka rak hngilh” ti a si.

 

Mike cu Pathian hmai ah ziang tuah ding hman a thei lo, a mang a bang. A pastor pa in, “Pathian hnenah thungai thlak in sorry ti aw” a ti.

 

Sorry ti duh loin, Mike cun a hnaihnok zawng in thu a sut. Ka tuah lo tla le ziang a poi? a ti men.

 

A netnak ah a pastor pa in thla a cam sak, “Bawipa zaangfahte in Mike hi nauhakte ih zumnak vek run pe aw!” a ti. Netalam ah Mike in lungawi aipuang tein a phuanmi cu “Bawipa in hna a ttuan!” a ti.

 

Mike cu van ih a Pa thawn neel awzet in an um saal. A hrang le kan hrang ih theih dingmi cu tluangtlam le rinhlelh loin nauhakte ih zumnak vek neih ding hi a si.

 

Nauhakte ih zumnak na thei dah maw?

Mipa le nunau nauhak tein,

Upa hnen an theihter ringring,

Rundamnak ih lungawinak thei dingah.

 

Zumnak cu nauhak lungput a neitu hnenah a tleubik.

(Visited 24 times, 1 visits today)

Comments

comments

Comments

%d bloggers like this: