Nauhak Vekin

January 26

Zarhte Ni

 

Nauhak Vekin

 

Bible Siar Ding: Matthai 18:1-16

 

Mi tangah a dor ih hih nauhak bangtuk a si mi cu

Vancung Uknak sungah a tumbik mi a si.

– Matt. 18:4

 

Vancung Uknak sungah zo si a tumbik?

Dungthluntu pawl in Jesuh hnenah hih thusuhnak hi an sut, asinan Jesuh in an hnenah atlang (direct) in thulehnak (answer) a pek duh lo. Cumi ai ah, tangdornak taktak nan neih lo ahcun Vancung Uknak sungah nan lut thei lo ding, ti’n ralrinnak (warning) a pek hngai.

Jesuh in nauhak te bangtuk kan si ding a ti tikah – nauhak aa vekin nung ding (childish) tinak si loin, nauhak te bangtuk in thinlung thiang te’n um ding (childlike) a ti duhnak sawn a si. Nauhak hi an famkim (perfect) a tinak a si lo. Anmah tein zianghman an tuah thei lo ih nu le pa an hngatsan. Thaisun an ei dingmi le thaizaan ih an itnak dingah thusuh an hmang loih an nu le an pa parah rinsannak pumhlum an nei mai.

Nauhak pawl ih mi been nun (dependence) vek cekci nei ding cu kan si lo. Kan zalennak (independence) kha kan hmuitin (focus) cu a ttul. Asinan Jesuh in a fiangtermi cu rundamnak (salvation) cun thlengh awknak (change) a suahpi timi hi a si. Hrintharnak in hmuh daan thar in neihter. Porh awknak ihsin Pathian lawng pumhlum ih rinsan nun ah in thlengh.

Tangdor nun neitu taktak cun zo a tumbik timi ah an buai lo. An tumtahbik cu Vancung Pathian lungawiter ding lawng hi a si.

 

Ka Pa, ziangkim ah Nangmah lawng lo rinsantu si dingin in bawm aw.

Tuni ka nunnak ziangmi zawn ah Pathian ah hngatsan sinsin dingin ka thinlungput thlengh danglam a ttul?

 

@Ava Pennington

Comments

comments

Comments

%d bloggers like this: