Nauhak Ruknak Malaysia Ah

735126_547944195218555_898074680_nKUALA LUMPUR: Malaysia ramsung ah nauhak pakhat, kum 6 mi William Yau Zhen Zhong cu, 15.1.2013 ah, a nu le pa le  unau 2 pawl thawn an vak ih, a nu le pa in dawr ah thil an va zoh sungah a nu le pa hawl in William cu a suak.

A nu le pa an ra kir tik ah an hmu nawnlo ih, an hawl nan tuini tiang hmu asi hrihlo.

Cumi thuthawn pehpar in Malaysia ramsung palik pawl cun hmun dangdang an hawl hnu ah, hmun pakhat thil danglam zet an hmu. Cumi cu thla 2 ihsin kum 8 nauhak pawl cu zuar ding in hmunkhat ah an rak retkhawmmi asi (A hlo mi William cu a tello). Hi nauhak pawl hi Indonesia, Thailand le Bangladesh nauhak pawl an si.

Cumi cu Penang palik pawl cun an hmusuak ih, cutawk ih um le an rinhleh mi mi 33 pawl cu an kai hngal. Cumi lak ah National Registration Department ih Doctor khal a tel ve. Hi nauhak pawl hi Rm. 18,000 ihsin Rm. 30,000 in an zuar hai asi.

Cutawk innsung ah cun hand phone 19, car 2, MyKid cards 5, medical cards 18, birth certificate 14 le paisa fai Rm. 15,000 an kai ngah asi. Penang police Chief Deputy Comm Datuk Abdul Rahim cun, “Hi nauhak zuarnak hi 2009 hrawng ihsi khan an um ih, nauhak kilkhawitu ding ih an lakmi khal kan kaihngah zo ruangah thu felfai theih zangzang kan beisei asi” ti in The Star thuthang ah asim.

Comments

comments

One Comment

  1. A va poi thei em ve awww….

Comments

%d bloggers like this: