Nauhak pawl Kaa In

November 21

Nipi Ni

Nauhak Pawl Kaa In

Siar:

Saam 8:1-2

Nauhak le naute pawl tla in hla an sak. Na raal pawl le a lo dodaltu pawl kham dingah, raalhruang cu nangmah in na tiang hnget zo.

– Saam 8:2

Kumkhat Sung Baibal:

–   Ezekiel 16-17

–   Jeim 3

David in Saam 8 sungah Pathian in van ah a sunlawinak a langternak le nauhak pawl ih an thangtthatnak thu a tahtthim. “Nauhak le naute pawl tla in hla an sak, na raal pawl le a lo dodaltu pawl kham dingah raalhruang cu nangmah in na tiang hnget zo,” (c. 2) a ti.

Ziang thei lo tlolakpi vek si loin nauhak cun Pathian an thei ih an duhdawt ruangah an thangtthatnak cu duh a nungzet.

“David fapa cu thangtthat uh,” tiah Biakinn sungih a autu nauhak pawl parih biaknaklam hruaitu pawl an thin a heng tikah, Jesuh in Saam 8:2 a sim saal (Matt. 21:15-16). Jesuh cu an hngah rero mi Pathian Fapa a si thu hruaitu pawl ih an theih lomi kha nauhakte pawl in an thei.

Pa ka sinak ih ka hngilh thei lo bikmi cu zaan ah ka fale ihkhun kiangah khukbil in thla ka cam ih Pathian hnenah an thinlung an onmi a si. A menmen te ih Pathian an duhnak le an rinsannak in ka thinlung i khoihzet ih ka rinhlelhnak le ttihphannak cemter in zumnak ah in hruai.

Jesuh a zumtu nauhakte pawl hi a menmen in ruat hngai hlah aw (Matt. 18:6,10). Van in Pathian sunlawinak a langter vekin nauhak pawl ih phuanlangnak khal hi a nasazet ve a si.  – David Roper

Nauhak pawl ih zumnak vek a si thei pei maw?

Nauhak vekih zumtu an ding hnget,

Ni le arsi hnakin tampi thu in zirh thei,

Kan thinlung bunnak ding?   – Branon

Nauhak pawl cu Pathian ih lungvar mankhung an si,

Khrih hrangah tleu dingin in bawm aw.

(Visited 24 times, 1 visits today)

Comments

comments

Comments

%d bloggers like this: