Nauhak Lai ih Thawi Tuar Ni pawl

1) Inn phar parih thil rin, zuk suai can
Ram dang nauhak – Zuk suai a paih a si hi. Thapek ding si ko.
Nauhak lai ih kei – Thawi ka rak tuar.

2) Tlawng ttum ah in ra hmuak tlai ruangih mahte tlun can
Ram dang nauhak – Mahte rori ih thil hliakhlai a paih a si hi. Thapek ding si ko.
Nauhak lai ih kei – Thawi ka rak tuar.

3) Taksa pumpi’n borhbah thluh ih lek hnu, inn tlun can
Ram dang nauhak – Nauhak dan a si hi. Thapek ding si ko.
Nauhak lai ih kei – Thawi ka rak tuar.

4) Mipa/Nunau mah vek si lo mi inn ih ratpi can
Ram dang nauhak – Nauhak lai ihsin amah vek a si lo mi thawn pehtlaihawk a thiam. Thapek ding si ko.
Nauhak lai ih kei – Thawi ka rak tuar.

5) Camibuai ah zum hnakih hmat a tthat lo can
Ram dang nauhak – Minung cu ti sual pang can a um si. Thapek ding si ko.
Nauhak lai ih kei – Thawi ka rak tuar.

6) Nauhak dang thawn tawhawk can
Ram dang nauhak – Nauhak an si si, an theihthiam lo mi tla a um ding. An tawhawk hnu khal ah an kom aw sal ding si lawm.
Nauhak lai ih kei – Thawi ka rak tuar.

7) Tlawng ca si lo mi ca dang siar can
Ram dang nauhak – Siar ko seh, nauhak ih thinlung peknak kha hnoksak hlah. Thapek ding si ko.
Nauhak lai ih kei – Thawi ka rak tuar.

8) Rawl ei lai ah cabuai parih rawl an fuan can
Ram dang nauhak – Rawl hi a lak ih heuter ding a si lo ti sim ding. Sar in ei sal ko seh.
Nauhak lai ih kei – Thawi ka rak tuar.

9) Mah paih mi thil tuah ruangih ei-in hngilh can
Ram dang nauhak – Paih mi le huam mi a tam len a ttha sinsin. Thapek ding si ko.
Nauhak lai ih kei – Thawi ka rak tuar.

10) Nu le pa thawn hmuhdan bang aw lo ih elawk can
Ram dang nauhak – Kan zate’n dik zet in kan relkhawm ding. Mi tin in hmuhdan an nei cio.
Nauhak lai ih kei – Thawi ka rak tuar.

……………

Ram dang thil tidan hlir uar ciamco ding tinak cu a si lo. Asinan kan fate pawl fimthiamnak kan zirh, an nun kan kaihhruai can ah a ttha sawn mi lamzin kan hawl thiam cu a ttul. Cumi ruat thiam ding ih khaikhinnak a si.

#Nine Nine Sanay ih ” အ႐ိုက္ခံခဲ့ရေသာ ငယ္ဘဝေန႔ရက္မ်ား” leh mi a si.

Sianglianuk Kianghrol

Comments

comments

Comments

%d bloggers like this: