Nauhak Bangtuk Zumnak

May 9

Zarhte Ni

 

Nauhak Bangtuk Zumnak

 

Siar:

Matthai 8:5-10

 

Jesuh in, “Minung hrangih a cang thei lo timi hi

Pathian hrang ahcun a cang thei a si,” tiah a ti.      -Luka 18:27     

 

Kumkhat Sung Baibal:

   2Siangpahrang 7-9

   Johan 1:1-28

 

Innsungsang khualtlawnnak ihsin an kirlam ah kum 6 nauhak nu Tanya le a pa lawng an it-that lo. Tanya cu mawttaw tukvirh in thlapi tleu a hei bih ih a pa hnenah, “Cingcidir in ding sehla thlapi ka dai baan ding na zum maw?” ti’n a sut.

     

A pa cun hni phah in, “Ka zum lo,” a ti. Nangteh? ti’n a pa a sut bet. A pa cun, “Kei khal in ka dai baan ve lo ding,” a ti. Caan khat te daite’n a um hnu ah, rinsannak tumpi thawn, “Na liang parah i ret awla teh ka baan thei pei maw?” ti’n a sut saal.

           

Nauhak nu cun a pa in ziangkim a ti thei ti’n a zum. Zumnak dik thu thawn pehpar in Hebru 11:1 ah, “Zumnak neih timi cu kan ruahsanmi kan ngah tengteng ding ti zum le kan mit ih kan hmuh thei lomi a um rori a si ti zum khi a si,” a ti. Jesuh in zumnak thu tampi a sim hlei ah zumnak neitu pawl ih zumnak a cosan hngainak Thuthangttha sungah tampi kan hmu thei.

           

Mizeng pa khi a rualpi pawl in Jesuh hnenih an hei hruai tikah an zumnak a hmu ih a sualnak a ngaithiam ih a damter (Matt. 9:2-6). Raalbawi pa in Jesuh hnenah, “Na ttong kamkhat in ka salpa a damter thei” (Matt. 8:8) a ti tikah Jesuh in, “Hivek zumnak ka hmu dah lo,” (8:10) a ti.

           

Kan zum ngam asile ziangkim a cang thei (Luke 18:27).

 

 

Maw Pathian, nauhak vek zumnak i pek aw,

Lung thiangzet in rinsanmi zumnak;

Na Thu tluangzet le lungawizet in a zumtu,

Na hnenih thusuhnak um lo te’n. 

 

Nauhak bangtuk zumnak in vancung uknak sangka a ong suak.

(Visited 35 times, 1 visits today)

Comments

comments

Comments

%d bloggers like this: