Nauhak 20% lai an hna a set

Digital music player, handphone le ipod, mp3 le mp4 tham tam tuk le ngai tam tuk ruangah USA ram ih nauhak then nga ih then khat cun nikhat hnu nikhat ‘hna setnak’ (awn theihfiang lonak) an tuar tiah US national researcher pawl cun an sim.

Nauhak kum (12) ihsin kum (19) karlak cu kum 1988 le 1994 karlakah mi (3,000) lai zohfiang an si ih, kum 2005 le 2006 ah mi (1,800) lai zohfiang sak an si.

Cumi ihsin an hmuhsuahmi cu nauhak 15% ihsin 19.5%  tiang  ‘awn theihfiang thei lonak’ an nei ti a si.

Cucun ram sungih nauhak 6,500,000 cu ‘hna set zik’ dinhmun ah an um ti a langter. Australia ih mithiam pawl cun ‘mino pawlin mp3 le mp4 player thawn hla an ngai tuknak ihsin hmailam can ih an hna (ear) a set (hearing loss) theinak cu 70% tiang a si tiah an ti.

USA ih suak  Journal of American Medical Association cun kan dung August 18,2010 ah kum 1960 ihsin ‘Handphone tumpi’ a suak thok ih, 1980 ah Sony company in Walkman a tuah. Cuih kum (20) sungah ‘handphone le walkman’ hman ruangah mino tampi an hna a set ih, 1984 ihsin 1994 karah a let thum rori in hna set an tam ti a si.

Tulai san ih ‘fehnak kip, hnatuannak kipah le leknak kipah ‘mp3 le mp4’ ngaitu an tam tuk ruangah mino tampi cun hmailam can ah ‘hna setnak’ an tuar vivo ding tiah ‘Journal’ cun a tarlang.

Comments

comments

Comments

%d bloggers like this: