NATO Ralkap -Raldo Zir

NATO ram -ram 18 ih ralkap 1,000 lenglo cun  Georgia ram khawpi Tbilisi kiangah raldo zir nak Training an tuah lai rero ih,  Georgia ramih NATO ralkap in Training an tuah rero cu Russia cozah cun nasa zetin a dodal ih, Russia leh Georgia an do awknak thla 9 hnute a si ih  hlei ah Russia in Georgia a siim laiih Russia ralkap pawlih umnak hmun ah NATO Ralkap pawlin raldo an zir a si, Russia Cozah cun hiti vekih Georgia in a ram sungih NATO ralkap pawl raldo a zirter cu Russia thawi ram pahnih karlak buainak ti suak tumtu asi a ti.

Himi laiah Georgia cun NATO ralkap pawlin a ram sungih raldo zir nak an tuah cu leitlun ram dangdang thawi rualpi that awknak leh peh tlaih awknak tha sinsin umnak dingah asiih cui hlei ah Georgia ram in leitlun pum huap NATO ram pawl a thleng theive asi timi langter tu asi ati. Cui tlun ah Georgia ramhi NATO ram member pakhat si thei ve nakdingih thil pawimawh khal a si a tibet. Georgia Cozah cun Russia cu Georgia ram sung tibuai tum ringring leh Georgia ram sungih misual pawl a thup tei bawm ringring ah a puhih, Russia cun Georgia ih puhnak cu a pha nasa ih thu phanthu ngai tlaklo asi ati.

Surbung Tlang Thuthang Siarbet

(Visited 36 times, 1 visits today)

Comments

comments

Comments

%d bloggers like this: