NASA In Dec. 21 Ah Leitlun Cem Lo Dan Ding Video Timtuah

NASA cun December 21 ni ah leilungpi a cem lo ding ti a than hnuah cuhnak ih fiangdeuh in  video in simfiang dingin an timtuah rero ti’n mani Tlawngkai Nilini, 13.12.12, thuthang pawlin an sim. A cui video cu YouTube ah an ret ding.

Cumi video film cu December 22, 2012 ni ah suah ding an tum. December 21 ni hlan le cumi ni ah an suahlonak cu, December 21 ni ah leilungpi a cem ta lo ti langter duhnak a si.

CRIMGLARGE_229Video suah ding ṭuanvo nei pakhat in, “Hi video na zoh rero caan ahhin mani ah leilungpi a cem lo ti na thei ringring ding,” ti’n a sim. Video sungah astrobiologist David Morrison ih, “Zozo khalin kan hmu cio ding. Acozah uktu bawi pawl khal sut a ṭul lo. Zohman sut a ṭul lo. Leng ah suak awla zoh awla na hmu mai ding. Cucu leilungpi a cem lo timi hi a si,” ti’n a simmi khal an telh.

NASA in leilungpi cem ding ih simciatu ih an rel ṭheumi Mayan calendar thu ah, “Na coka ih na retmi na calendar cu December 31 tiang a um ih, cumi hnu a lan ual lo. Cuvek thotho in, Mayan calendar khal December 21, 2012 a lan lo tinak a si ko,” ti’n a simfiang. Cun Nibiru in kan leilung a ṭaihsiat ding timi thu ah, “Hi simcianak hi 2003 kum May thla ah a thok ih, asinan cuvek thilcang dingin December 2012, atu tiang thilcang theinak pakhat hman a lang hrih lo,” ti’n an simfiang hrih.

Himi X’mas hlan nili duh ah leillungpi a cem ding tiih thuthang a leng ciamcomi in leitlun mi billion 7 lak ihsin minung tampi cun an thin an phang. Hrekkhat cun an zoh ih ziangvek in a um ding ti an thei hiar zet. Hrekkhat cun ziang khalah an rel lo. Asinan NASA in atu video a tuahmi hi leilungpi a cem ding timi thu ih ṭihphannak le hringhlelnak pawl cemter duhnak a sibik.

(Visited 101 times, 1 visits today)

Comments

comments

Comments

%d bloggers like this: