Nangmai’ hrangah Midang Bawm Aw

14192194_1172318932825389_5255956335592808649_n
Sianglianuk Kianghrol
Vei khat lai ah vainim ci ttha zuamawknak ih laksawng ngahtu lothlopa a rak um. Kum tinte’n zuamawknak ah a tel ih, a vainim cun a pakhatnak laksawng a ngah ringring.Kum khat cu thuthangca palai in tonsuhnak a nei ih, a vainim cin dan thu ah lunglutza pakhat a thei ngah. Thuthang palai cun, laksawng ngah ringringtu lothlopa in a vainim ci cu a venghnen pawl a pe ve ringring, timi a thei ngah.

“Na venghnen pawl khal vainim ci ttha zuamawknak ah an tel ve ringring ti thei cing in, ziangtin na vainim ci ttha cu na hlawm thei,” tiah thuthang palai cun a sut.

Cutikah lothlopa cun, “Ziangah ka hlawm thei lo ding? Na thei dah lo mawsi ka pu? Vainim an hung par tikah an ci kha thli in a thiar ih, loram pakhat hnu pakhat ah a thlenter. Ka venghnen pawl in vainim ci ttha lemlo an cin ahcun, ci an zaihawktonnak ihsin ka vainim ci khal a tthatnak a tlaniam ding. Curuangah vainim ttha ka neih duh ahcun, ka venghnen pawl khal vainim ttha nei thei ding in ka bom an ttul,” tiah a sim.

Lothlopa hi minung zatlangnun pehzomawknak thei zettu a si. A venghnen pawl ih vainim an tthansoh lo ahcun amai vainim khal an tthangso lo ding ti a thei.

Kan nun khal ah cuvek thotho a si. Remdaihnak a duhtu cun a venghnen pawl remdaitei’ nung thei ding in a bom a ttul. Hnianghnar zet ih nun a duhtu cun a venghnen pawl hnianghnartei’ nung thei ding in a bom a ttul. Ziangahtile hringhnun ih manmual cu a va somdawl mi hringnun zat ihsin tah a si.

Lungawi a duhtu cun midang pawl in lungawinak an hmuh ve theinak ding in a bom a ttul. Ziangahtile mi pakhat cio ih kan semremnak hi mi hmuahhmuah ih semremnak thawn a pehpar ringring.

Hram: The Living Treasure ih “Growing Good Corn.”

(Visited 44 times, 1 visits today)

Comments

comments

Comments

%d bloggers like this: