Nangmah Na Si Maw, Ka Innhnen pa

February 21

Zarhte Ni

 Nangmah Na Si Maw, Ka Innhnen pa

 Siar: Luka 6:29

 “Zoso ka innhnen cu a si?” –Luka 6:29

Kumkhat Sung Baibal:          Mipum 1-3           Marka 3

A inn ihsin peng 4000 lai hlatnak Caribbean tipithuanthum sungah lawng thawn a fehtu Mirang pa pakhat cu thlisia sungah a thantar tthuam a hlo. Pi 20 a sangmi tisuar lakah a lawng cu nihnih feh thei loin a um hnu ah SOS in a thuthanmi an ngah. Ananova thuthang in a thuthannak an ngah hnu ih sim daan ah, a thuthannak an ngah hnu minute 90 a rei hnu ah 116,000 ton a ritmi lawng tumpi ih captain pa in a ruun suak.

Ti sungin an dirh suak tikah a ruuntu Tinbaw captain cu Hampshire Warsash ih a innhnen pa a si ti a thei. Zianghman ruahsan ding um lonak hmun ih vansan lai ah a innhnen pa ih a ruun cu ziangtluk mangbangza so a si.

Jesuh ih innhnen hmuh daan cu an umnak kel lo hmun ah a si ttheu. Judah daan thiam pa in ka duhdawt dingmi kan innhnen cu zo an si? tiah a sut tikah Jesuh in kauzet huap in a sim. Zaangfahnak neitu Samaria pa ih thuanthu a sim ih kan innhnen cu kan rualpi, mikhual le kan raal khal siseh kan pek theimi bomnak a ttultu pawl an si (Luka 10) tiah a ti.

Jesuh ih milai kan si ti langternak dingah kanmah in siatsuah duhtu tlun hmanah thinneemnak kan langter a ttul (Luka 6:32-34). Cutik lawngah a raal kan silai hmanah in rundamnak dingah mankhungzet a pektu Pathian ih thinlung kan langter thei ding.

 

Tuni ah mi paziat thinlung ka tonghtham thei ding?

Innhnen paziat in ka lamzin an zawh ding?

Mi tampi thluasuah pekin ka bawm hngai thei,

Khrih bangnak in ka tonghtham hngai ahcun.

 

Khrih kan duhdawtnak cu kan innhnen kan duhdawtnak in a si.

(Visited 25 times, 1 visits today)

Comments

comments

2 Comments

  1. Inrfotmaion is power and now I?m a !@#$ing dictator.

  2. “Jesuh ih innhnen hmuh daan cu an umnak kel lo hmun ah a si ttheu. Judah daan thiam pa in ka duhdawt dingmi kan innhnen cu zo an si? tiah a sut tikah Jesuh in kauzet huap in a sim. Zaangfahnak neitu Samaria pa ih thuanthu a sim ih kan innhnen cu kan rualpi, mikhual le kan raal khal siseh kan pek theimi bomnak a ttultu pawl an si (Luka 10) tiah a ti.” a va tha ve.

Comments

%d bloggers like this: