Nang le Kei Runinn Ah

Ka lo hlan ding dawtnak annka
Ka lo pek ding dawtnak lungthin
Ka lo tiam ding rinumnak thu
Kumkhua na hrang si ding kei ka ruahsan
Ka lo simding ka lo duhnak thu
Hlimlai cen in ka nuamtlang ding
Nang leh kei ruuninn ah
Ka runsak ding zaihla mawi in
Nang ka lo duhnak hlamawibik mi
A riimawi in na lung lo thlim seh
Biazai te in na thu ka awi ding
A mawibik mi biazai si in
Ka lo duhnak thu an lang ter ding
Na tangnemah hlimten ka bel ding
I kaihnak na kutnem thlahsiang hlah law
I fah mi na dawtnak biathu
I pek mi na dawtnak lungthin
I tiam mi na rinumnak cu
Lungthin sung in ka cohlang ding
Zandai thiangah mawi te’n suak hai cungvan Arsi
Zan thlapa khal hlimten a ceng ve
Lungthin in a tuar ban an duhsaknak
Nang leh kei hrang a mawibik caan in pe
Tilva zarual leh parmawi tinkhal
Kan hrang lawm in an leng ve hai
Boruak thiangah hlim in kan leng
Nang le kei ruuninn ah
Duhdawtnak thu cu zilthlinem in
Kan lam hoi in a run phur ta ee
Dawtnak ni ah dawtmi nang thawn
A mawibik ruuninn kan sak tlang ding
A har a nuam tuar tlang in
A thlum a khaa hlawm aw in
Kan ruuinnah nithla kan siar tlang ding
A hngetmi duhdawtnak sungah
Zo dang ngai lawn
Kan leng tlang ding kan ruuninn nuamah !!!
(Visited 82 times, 1 visits today)

Comments

comments

One Comment

  1. NAu na thiam tuk…
    siar tla nuam tuk…
    🙂

Comments

%d bloggers like this: