Nainganta sisit-ye Card( hmatpungtin) Pawl Smart Card Ah Thleng Ding

5Kawlram ah mipi tulai hmang rero mi Nainganta sisit-ye ( hmatpungtin) pawlcu International level Smart Card ah thleng dingin tawlrel a si thu Immigration Department cun a sim. 

Kawlram Cozah suahmi paan yawng( Pink color) Nainganta sisit-ye Card pawlcu ol-ai ten a siat thei ih a ttuh(lem) tuah olmi a si ruangah International level thlengbaan Smart Card ih thlengding tawlrelnak a si.

2014 rampihuap Mipum siar ttheh hnu 2015 hrilawknak a kim hlan ah smart card pawl suah thei dingin tawlrel a si thu Yangon Region Immigration Department Director U Kyi Lin in DVB ah a sim.

“2014 Mipum siarnak ttheh ih a hleice in 2015 hrilawknak hrang Me cazin tuah tik ah thuah le hrelh um lo in Mipum cazin telkimding hrang a bawm ding. Rampi le Wunkyi zung pawl khalin an hlawkpi phah ding. Atu smart card a suak ih rei hlanah PR systempawl khal a ra vivo ding. A sinan Rampi lennak par ah a tthum aw. Tuah theimi thil le ri pawl tampi tuah a si zo. Ramtin ah smart card lawng an hmang. Ticiar in a tisiat men lo. reipi hman khal a theih” tin a sim.

Ramrinaih innhnen Ram pawl telin kiangkap ram pawl ah hmatpungtin card pawlcu Computer system hmang smart card hman a si lai ah Kawlram ahcun ca-hnah sah thawn tuahmi Nainganta sisit-ye card pawl lawng hmang a si.

Yangon, smart card pawl tuahtu Digital coded company neitu U Aung Ta Pye cun thuhla kimcang ih a thun theimi Ramdang quality baan smart card pawl hmang a ttha tin a sim.”Tuah a si le a tthabikcu smart card ngai ( sit ) thilri thun ih hman a si.  Mipi thuhla pawl Rampi central level ah thun a si ding. Cupawl cu zoh felsal tiang tuahthei a si le a tthabik.”

1982 kum Rammi sinak daan a suak hnu 1985 kum ihsin Nainganta sisit-ye card suah a si ih Kawlram zaten card zatekom 39 million luan suah a si tin Nepyidaw Immigration Department cun a sim.

Kawlram ah mipum 60 million hrawng um dingin zum a si nan mipum cazin diktakcu a ra lai dingmi kum March thla ih tuahding Rampi huap mipum siar tthehhnu lawngah nemhnget theih a si ding.

By Myo Zaw Lin ( DVB )/28October2013

Khawngkhawmtu: James Thang

Comments

comments

Comments

%d bloggers like this: