Naih Theimi

October 13

Tlawngkai Nithum

Naih Theimi

Siar:

Marka 2:13-17

Cuih thu cu Jesuh in a thei ih, “Mi harhdam pawl in siibawi an ttul lo; a naa mi lawngin an ttul a si. Miding pawl ko dingah ka ra lo, misual pawl ko dingah ka ra a si,” tiah a ti. Marka 2:17

Kumkhat Sung Baibal:

Isaiah 41-42

1 Thess. 1

Franciscan RC Biakinn ih brother Michael St. Jacques cu a phundangzetmi siangbawi korfual apawl rong (brown) a hruk ruangah, mi pawl in ziangah hivek hnipuan na hruk an ti tikah, “Himi cu Christian phungki ih robe a si” tiah a let. Anih in hih korfual a hruk duhnak san thuken a nei. St. Jacques in Hemisphere magazine hnenah, “Hruk dingin hril theinak kan nei. Mi tampi in hruk ding kan zuam, ziangahtile mi pawl a diir theitu taanlaih (magnet) vek a si. Mi hrekkhat pawl in midang hnenih an sim dah lomi in sim. Ka theih dah lo mi pawl in a liamcia kum 30 lai ih an rak tuah sualmi an phuang ih Pathian in in ngaidam thei pei maw? tiah in sut,” a ti. Curuangah Michael cu mi tampi ih ngamtlakmi le neel mi a si na ti thei.

Thuthangttha Cabu uk li sungah miphunzakip in Jesuh cu a fehnak hmunkip ah an ra pan ti kan hmu. Mi hrekkhat pawl cu a thuzirhmi ngai ding, a hnenih bomnak dil ding, an natnak damter ding, cohlan mi si ding le an sualnak ngaidam mi si dingah an ra pan. Mi hrek in Jesuh cu siahkhongtu pawl le misual pawl thawn an kom awk a si tiah an soisel. Cumi a theih ruangah Jesuh in, “Harhdam mi pawl in siibawi an hai lo, a naa mi lawngin an hai a si. Miding pawl ko dingah ka ra lo, misual pawl ko dingah ka ra,” tiah a ti (Mark 2:17).

Mi pawl in nang hi mahte lawng dai teih um duhtu maw, asilole ngamtlakzet le rinsanzet ih pan theih mi ti’n an lo hmu? Kan tumtahmi lawng thupi ah ruat tahrat in midang hrangah tikcu caan nei thei lo mi kan si le Khrih ih thlarau thuamhnaw kan hruk lo tinak a si. – David McCasland

Kan kiangkap a kau sin – ttuanvo a tam,

Kan caan, ka thazaang, duhdawtnak zate thawn;

Ttuanvo tampi hmanseh pelhsolh loin,

Thilrit phur bawm ding in fial. – Gustafson

Mi dang ttulsamnak bomnak in Khrih a cawisang.

(Visited 32 times, 1 visits today)

Comments

comments

Comments

%d bloggers like this: