Capoh……..

Ti leuh thiamlo

Tlangval kum (18) mi le putar (70) mi lawng to in lam an leng.

Putarpa                  : Ca na thiam maw?

Tlangvalpa             : Thiam lo

Putarpa                 : Aw! mi van sia na si, na nunnak 70% na sungzo a si cu.

Putarpa                 : Asile, Arsi lam thu na thei maw?

Tlangvalpa             : Ka thei lo so khaw, ka pu

Putarpa                 : Na nunak 80% rori in na sung zo a si cu.

Putarpa                 : Ca le thiam lo, arsi lam thu le thei ta hmun lo vah aw…mi vansia bik na si ko…na hrangah ruahsannak a mal tuk a si cu ti…

Rinlopin, cuti thu an rel lai ah, an lawng a let ta riai…

Tlangvalpa            : Ka pu ti leuh na thiam maw?

Putarpa                 : Thiam lo….

Tlangvalpa            : Na nunnak a cem a si cu…

Ha cang rialnak hmun

Pastor pakhat cu, a kawhhran member pawl an sualtuk ih ti ngaihnak a thei nawnlo ih Sunday sun ah hitin thu a sim lawlaw mai. U le nau le nuh, Hellram tla ding ti a thei aw pawl, nan ha thlawng theh uh, Hellram cu hacang rialnak hmun an ti kha, nan hacang rial tul lo in nan ha thlawng theh cia uh…cu tal a thahnem.

Fanu tlan hlo

Fapa tlanhlo pa cu a pai hnen ah farah le rilrawng in a ra tlung. Asinan, fanu tlan hlo thung cu, pumpuar tuk in a ra tlung.

Na tum tum in rak tum ve mai

Hlasak a thiam lo. Asinan a sak a tul fawn. An practice man lo bet lai. Pulpit kiangah tingtang tumtu thawn cun an ding thlang. A hlasak dingmi le tingtang aw a kaih aw thei lo lawlaw. Cui fala cun a tingtang tumtu tlangvalpa hnen ah “Ka aw le ka hla sak in ngai duh hlah, na tum tum in rak tum ve mai aw” a ti.

A nupi a duh lo

Pa pakhat cu zu hmun ah a paisa bawm ih retmi an nui zuk a zoh rero. Zu a in rero phah. A rualpa in “Ka rual ziangah, na paisa bawm ih nan nui zuk na zoh rero?” a ti. A rualpa cun “Si, a hmel tha deuh ih ka hmuh tikah ka tlung ding” a ti.

A rilte suak

Fala pakhat cu khawm lai fangah a hnih a suak tuk, asinan aw suak in a hni ngam fawn lo. A supawk tuk nak ah a rilte a suak.

Ka tling lo

Tlangval aa deuh pakhat lam a leng. Fala mawi tuk pakhat a hmu. A mawi tuk. Tlangvalpa cun a uar tuk fawn. Tlangval aa zet a sinan, cui fala nu a co lo ding a thei aw. A duh tuk fawn. A um thei lo ih fala nui hmai ah cun “Ka tling lo” a va ti. Fala nu a mangbang tuk…ziangmi na sim a rak ti.. Tlangval pa cun “Vanram ihsin maw na rawng tum?” a ti la la. Fala nu thinheng tuk cun, huh! A ti a tlansan.

Sungdawk thei lo

A sung dawk le dawk lo a thei aw lo. Bawngbi bulte, pa zet a hruk bet lai ti he. Dawr ah kuva lei in lamzin kap ah duhaw tak in a hei ding bet lai. Rinlopin, a sunglam a awn. Voih suak si ko. A voih ah a ruat pang. Put…put…perh…perh…tin a awn. A sungdawk cu a bawngbi ah a mahmah in a suak thlang. Rel ding um nawnlo ziangtin inn lam ah a thlung ding na zum?  A cep aw fet fet si ko.

Comments

comments

Comments

%d bloggers like this: