Na Ttong Hlanah Ttuannak in Hmuh Hmaisa Aw

July 9

Tlawngkai Ninga 

Na Ttong Hlanah

Ttuannak In Hmuh Hmaisa Aw 

Siar:

Matthai 5:11-16 

Cubangtuk in nan tleunak cu mi hmai ah tleuter ding nan si. Cuticun thil ttha nan tuahmi cu mi in an hmu dingih van ih a ummi nan Pa kha an thangtthat ding.    – Matthai 5:16 

Kumkhat Sung Baibal:

–    Job 38-40

–    Tirhthlah 16:1-21

 Hlanlai ah Nitlaknaklam tipikap ih khua pakhat cu America ram ih thuthangttha dodalbiktu khua pakhat a rak si dah. Cuih khua ih ummi lakphak dawr pawl ih thuthannak (poster) ah, “Dawithiam pawl ton awknak ah na raal pawl dawi suak ding daan na zir thei” tiah ca an taar.        

Himi hi Kawhhran hrangah kiangkap ih sawmngiarnak a si ih Biakinn saknak ding khal harsazet in dil a ttul. Kawhhran hruaitu pawl khal an ning a haangzet. Pastor hrekkhat pawl hmunkhatte ah hmante’n thlacam khawmnak an nei ringring ih Jesuh ih duhdawtnak an khua sungah langhter thei zuam dingin an relcat. Inn nei lo pawl, AIDS natnak tuartu pawl le tleirawl pawl hnenah Pathian hnattuan hram an thok. Rinsan tlakzet in tumtahnak thawn natnak tuartu le mi hlawhsam pawl hnenah Jesuh ih duhdawtnak an langter. Cutikah Thuthangttha cu mikip in an cohlang thei ih Kawhhran pawl tla an tthangso vingvo.        

Himi in a caancaan cu na sim hlan ah na tuah a ttul ti a langfiangter. Kan nunnak ih an hmuh hmaisa lo ahcun Jesuh ih duhdawtnak kan simmi cu mi in an ngai duh taktak lo (Matthai 5:16). An mit rori in an hmuh ngah hnu lawngah thuthangttha dodaltu pawl in an khua sung, an zung le an innhnen ih na um hi an lung a awi dingih Jesuh ih thuthangttha na sim thei ding.    – Joe Stowel 

Hmailam ah feh uh, Pathian kawh mi kan si,

Mankhung Jesuh thiisen ih leimi kan si;

A duhdawtnak langter in, A nun vekih nung dingah,

A thuthangttha phuang in A zaangfahnak pe dingah. – Whittle 

Thuthangttha na sim tikah

Thuthangttha vekin nung cih aw.

 

(Visited 21 times, 1 visits today)

Comments

comments

Comments

%d bloggers like this: