Na Tleunak Langter Aw

July 29

Tlawngkai Nili 

Na Tleunak Langter Aw 

Siar:

Rom 1:8-16 

Thuthangttha hi ka zahpi hrimhrim lo: ziangahtile a zumtu hmuahhmuah rundamnak an ngahnak dingah Pathian ih huham a si.    – Rom 1:16 

Kumkhat Sung Baibal:

–   Saam 49-50

–   Rom 1 

Chicago White Sox ih base ball leknak hmun ah Detroit Tigers team pawl thapek ka  duhzet. An lehnak hmun feh dingah Tigers T-Shirt angki cu uar-awzet in ka hruk. Asinan khua a siktuk ruangah ka team angki parin angki hlum ka hruk thuah saal. Curuangah U.S Cellular Field pawl in khuilam thapetu a si ti in thei lo. Zohman in Tigers ttantu ti in thei lo. Nazi 3 sung ruahpi in lek thei loin a kham hnu ah lehnak cu an thok saal ih ka angki leng ka hlit hnu lawngah ka ttanmi team pawl tha ka pek thei saal ih ka ttanmi a lang vuarvi.

  Paul cu ttanmi fiangzet in a nei. Rom khua ih zumtu pawl hnenah “Thuthangttha hi ka zahpi hrimhrim lo (Rom 1: 16), thuthangttha cu Pathian in Amah zumtu hmuahhmuah a rundam ti a si,” a ti. Ziangahtile Jesuh in a nunnak le a tumtahnak hmuh theih in a thlengh sak. Jesuh thu a sim ih a zirh, a nunnak zate pek in Jesuh hrangah a nung (Tirhthlah 9).           

Rom khua ih zumtu pawl khal midang in Jesuh ttantu an si ti an thei ttheh. Paul in, “Nan zumnak cu leitlun pumpi ah a thang ttheh a si” (Rom 1:8) a ti. Jesuh hrangih na ttuannak cu mi zapi ih theih a si maw?     –Anne Centas                       

Pathian in a thimnak lei tlun ah a lo ret,

Jesuh tleunak tleuter dingah;

Atu thudik zirh in,

Kan tleunak tthate’n kilkhawi uhsi!   – D. De Haan  

 Jesuh hrangah rinsan tlak kan sinak cu,

kan nunnak in langter uhsi!

 

 

(Visited 29 times, 1 visits today)

Comments

comments

Comments

%d bloggers like this: