Na Thluak Sungah

Na Thluak Sungah

Siar:

Galati 1:6-9
Ziang kar lote caan ah Khrih zaangfah lainatnak thawn a lo kotu Amah cu nan dungtun ih
thuthangttha dang nan pan lohli ka hmuh tikah ka mang a bang ngaingai. – Galati 1:6

Kumkhat Sung Baibal:

Ezekiel 4-6

Thufim 10:22-32

Pathian ka thluak khuaruahnak sungah um aw, ti ih thlacamnak thok hi ka rak duhzet. Ka theih hmaisabik ahcun phundangzet in ka rak ruat. Asinan ka ruat rero saal tikah Jesuh Khrih thawn naih aw ding kan tumnak ah thluak ih khuaruatnak um loin thinlung thathawhnak lawng sisehla ziangtluk kan sung ding. Amai’ diknak kan thluak sungih a um lo ahcun lamzin kan pial tengteng ding a si.
Hlanlai Khristian pawl in nunnak vun zoh hnik aw, zirhtu sual pawl in an thluak sungah thudik lo an thun, rundamnak le thlarau tthansonak cu Daan thlunnak lawngin a ngah thei tiah an sim. Paul in cuih thu a theih tikah, rei lote sungah ziangti’n lamziin pial an zawh ti a mang a bang. “Ziang kar lote caan ah Khrih zaangfah lainatnak thawn a lo kotu Amah cu nan dungtun ih thuthangttha dang nan pan lohli ka hmuh tikah ka mang a bang ngaingai” tiah a ti (Galati 1:6).
Lamziin hlo ih in hruaitu hi zirh sualtu pawl lawng an si lo. Kan leilung hi , “Nuam na ti asile tuah aw, leknak tambik neitu in a neh” tivek ruahnak dik lo thawn a khat. Kan thluak hmangin kan ruat pei. Jesuh thawn nel awknak in Amah theithiamnak cu a thok ih cumi cun Amah thawn naih ih um duhnak a suahter.
Cuhrangah phundangpi bang hmansehla Jesuh thawn feh tlang na duh asile, nitin na thluak khuaruahnak sungah um dingin diil aw.

Bawipa Pathian, ka thluak sung le ka fimthiamnak ah um aw,

Bawipa Pathian, ka mit sung le ka hmuh zohnak ah um aw;

Bawipa Pathian, ka kaa sung le ka ttongkam ah um aw,

Bawipa Pathian, ka thinlung le ka khuaruahnak ah um aw.

Lamziin dik feh dingah Pathian in na khuaruahnak lam lo hruai seh.

Comments

comments

Comments

%d bloggers like this: