Na Thin A Buai Maw?

October 6

Tlawngkai Nihnih

 

Na Thin A Buai Maw?

 

Siar:

Luka 10:38-42

 

Martha cu hnattuan tampi nei in a buai ih a thin a tteu ruangah Jesuh hnenah, “Bawipa, ka naunu in hnattuan hmuahhmuah i tun ttheh hi na poisa lo maw si? Sim aw, i ra bawmta seh!” tiah a ti.  -Luka 10:40

 

Kumkhat Sung Baibal:

–   Isaiah 26-27

–   Filipi 2

 

Ram 139 ah zumtu 20,000 hnen ihsin, Tthansonak Dawnkhamtu an ton daan Thuhla Laakkhawmnak” an tuah tikah, a tlangpithu in 40% hnak ih tam cun “a caancaan ah” asilole “a ringring” in hnattuan pakhat hnu pakhat ttuannak in Pathian thawn tikcu laakih pawlkomnak in hnaihnok in in dawnkham a si an ti. Cun 60% hrawng cun “a caancaan” asilole “a ringring” ih kan man lozetnak le kan buainak hin Pathian thawn kan pehtlaih awknak hrangah tthansonak lamzin ah hmun a laak an ti. Cumi hliakhlainak in hnattuan tamzet ih buainak in Pathian thawn kan pehtlaih awknak caan in hnukdawk sak ti cu a fiang.

        

Martha tla Jesuh thawn to tlang ding caan a nei lo. Jesuh le a dungthluntu pawl a inn ah a ko lut tikah rawl a timtuah, an ke a kholh sak, nuamzet ih rak lengter ding a tum, hnattuan tam a tuah. Tuah ding cu a si ko nain Luka in a hmuh daan ah Martha cu timtuahnak ruangih a buainak in Jesuh ih thu ngai ih thinnomnak ding ihsin a hnaihnok (Luka 10:38-42).

           

Kannih teh ziangtin? Hmunkhat hnu hmunkhat feh in kan buai maw, kan hnattuan buainak in Jesuh thawn nuam tlang ih kom awknak ding caan a hnaihnok maw? Jesuh cu hmuitin tahrat in hnaihnoknak cu hloter dingah Pathian hnen dil uhsi!

           

Camkhat te hrang pelh ding ka duh lo Bawipa,

Nang thawn kom awknak – buai lo dingin in bawm aw;

Nitin thlacam caan hmang thei dingah,

Na ttongkam siar dingah.

 

Pathian hrangah na buaituk a si ahcun buai ngaingai na si.

(Visited 21 times, 1 visits today)

Comments

comments

Comments

%d bloggers like this: