Na Sunsak Taktak ahcun

15032897_1235958749794740_604352446136415506_n
Mi neinung zet pakhat in fapa pali a nei. A kum a tar vivo tikah a fapa pali lakih a neihsiah sunsak thiam biktu hnenah a ro hmuahhmuah pek thluh a duh.

Curuangah a fapa pali cu a ko hai ih fangcang ci panga cio a pe. Cumi fangcang ci panga cu kum nga a rei hnu ah a dil sal hai ding thu khal a sim. Cu thluh ah, cumi fangcang ci a sunsak thiam biktu hnenah a neihsiah hmuahhmuah a pek thluh ding thu khal a sim bet.

Fapa upa bik cun fangcang ci cu a hlon men. A pa ih a dil sal can ah fangcang ci dang panga pek leh a tum. A pa in fangcang ci dang an si ti a theithiam cuang lo ding tiah a ruat.

Fapa pahnihnak cun fangcang ci panga cu a ei men. A u vekin, a pa ih a dil sal tikah, fangcang ci dang panga pek sal a tum.

Fapa pathumnak cun a inn ih ngun bawm sungah a ret hai ih cumi ngun bawmte keng in Pathian hnenah thla a cam ttheu.

Fapa palinak cu inn ah a tlung ih a hmuan ah fangcang ci panga cu a cing. An hung keuh tikah a kilkhawi hai ih, fang at a cut tikah a at. Cu hnu ah a ngah mi fangcang ci hmuahhmuah cu a cing sal lala. Cuti’n kum nga a rei tik ahcun fangcang hmun kaupi neitu ah a cang.

Kum nga a rei tikah fapa pali cu an pai’ inn ah an va feh sal. Cutikah pabik cun a rothil hmuahhmuah cu a fapa palinak a pek. Ziangahtile fangcang ci panga a sunsak taktaktu a si tiah a sim.

Kan sunsak taktak mi thil cu hlovai lo ding ih kan kilkhawi ttheu lawng si lo in, a pungzai thei mi an si ahcun, pungzai ding in kan tuah ttheu. Tthimnak ah, paisa cu mi tampi in kan sunsak zet ih a hloh ding siang lo in kan kilkhawi. Asinan a sunsak taktaktu pawl cun pungzai sinsin ding in an tuah ttheu a rak si.

Hram: http://moralstories26.com/making-most-of-opportunities/

Comments

comments

Comments

%d bloggers like this: