Na Ram/Miphun Na Duhdawt Asile

NA RAM/MIPHUN NA DUHDAWT ASILE:

Hre Mang

1) Na miphun Pathian duhdawt bik aw,
(Pathian hnakin miphun duhdawtsawn tu cu tihnung, miphun thuantuh tuahsiattu an si);

2) Na miphun Pathian thu vekin nangmah kha nung aw,
(Pathian thu vekin nung si lo, miphun ka duhdawt titu pawl hi miphun mualphohtu an si theu);

3) Midang zohman uk/control tum hlah,
(miphun duhdawt aw ter ih midang uk, control tumtu pawl hi mipun buainak suahtertu an si ringring theu);

4) Nangmah kha zohthimtlak in nung aw,
(zawng bangin mai tawcak hmu lo in aukio rero tu pawl hi zangfakza, an si);

5) Na miphun upa, nauta, ti um lo, va nautat hlah, hmuhsuam dah hlah,
(upat, sunloih bul nei loin rualran zet duhdawtnak langter ringring loin thleidan neih cu miphun siatnak asi);

6) Na miphunpi pawl thawn atthlak thu el awknak, huat awknak suahtertu thu el awknak ah va tel dah hlah,
(diksawn si va zuam dah hlah, tuantu si zuam sawn aw; diksawn thei sawn si zuam awknak na tel asile na theihhnak ih tam na sim ahcun thuphan per ah na cang ding);

7) Nangmah hnakih upa va tihzah awla, upatnak va pek ringring aw,
(mah hnakin upa tihzah thiam lo tu pawl hi miphun mualpho tertu an si theu);

8) Nangmah hnakin a fim deuh le thiam deuh upat awla, an hnen ihsin zir aw,
(Mah hnakin mifim lakah fimbik vekin aukhuang rero tu pawl hi senpi vangtlang hrangah phurrit asi theu ih an tuah thatmi hnakin an tuahsiatmi a tamsawn theu);

9) Pathian in vo a lo zem (gift/talent) a lo pek vekin na kiangkap minungpi pawl hrangah tuan aw,
(nangmai tuanvo kha thaten tuan niakno men awla, midang tuanmi hnaihnok dah hlah);

10) Midang tuah mi parah va sawisel dah hlah, na hngir teu, thinheng dah fawn hlah seh, (midang tuahmi tuah lomi parah phunzai celcel theutu pawl hi anmai tuanvo thitha in a tuansuak lo tu pawl an si theu);

11) Nangmah le nangmah kha midang hnakin fim sawn, th sawn, thei sawn vekin va um hlah, tonghlah, ca ngah hlah,
(mahlemah theih awk lo nak hi siatsuahtu atnak cikhat asi);

12) Mi zapi ten anmai ruahnak tlin tawkin a thabik tiah an ruahmi vekin an tuan, an tuah cio asi ti theihsak aw,
(hantuantu pawlin an tuahmi cu a thabik tiah an ruat mi asi vekin an tlin lomi tuanter tum ding asilo ih midang in an tlin lonak bawm ding lawng tuanvo kan nei).

Group Mail ta lak mi a si.

(Visited 46 times, 1 visits today)

Comments

comments

One Comment

  1. Rev. Hre Mang
    Na va run ngan tha ve aw. Lungawi na sa. Tha ka ti tuk… na thupi hman mi hrimhrim ka di a riam tuk.

Comments

%d bloggers like this: