Na Ralring Zo Maw?

June 28 

Nipi Ni

 

 

Siar:

Tirhthlah 13:1-5

 

Anmah pawl cu Pathian bia in rawl an ulh lai ah Thlarau Thianghlim in, “Barnabas le Saul hi ka thiahmi hnattuan lawng ttuan dingah thiadang uh,” tiah a ti. –Tirhthlah 13:2

 

Kumkhat Sung Baibal:

–   Job 11-13

–   Tirhthlah 9:1-21

 

Mission hnattuan feh dingin kan tummi kan feh hlan thla 3 duh ah ka rualpa in, “Mi pakhatkhat an rak thei lo pang asile an ai ah ka lo thlun hngai pei,” a ti. Jamaica ih July nisa lakah ni 8 sung si thuh, thilhlun rem le bun saal ding cu a ol lo. Hmanseh ka rualpa cu a feh paihzet a bang.

 

Zarh 6 a duh tikah mi pakhat hrang a lawng. Ka rualpa email ka kuat ih a feh paih lai maw ti ka sut tikah, “Ka paih, in ko pang asile ka ti ih passport hman ka rak tuah cia,” a ti lohli. In ko pang asile tiah a ralring cia.

 

Ka rualpa ih timtuah awkmi in Paul le Barnabas cu Pathian in a duhduh fial dingin a duh naknak ah thlah dingah thlaraulam ih a tiar aw ciami lakah an tel thu i vun mangter saal. Annih cu passport hrang an timtuah lo. Pathian bia in rawl an ul (Tirh. 13:2). Culaifang ah Thlarau Thianghlim in, “Barnabas le Saul hi ka thiahmi hnattuan lawng ttuan dingah a dang te’n thliadang (umter) uh,” (c. 2) a ti tikah an feh.

 

Pathian ih a lo ttuanter duhmi hnattuan ttuan dingah na tim na tuah zo maw? Thlarau Thianghlim in, “Feh aw” a lo ti asile na tiar aw cia pei maw?

 

Pathian hrangih hman dingah ka man,

Pathian in i hril le ka tiar cia

Hitawk siseh khitawk siseh khuikhal a poi lo

Ka thin ralringten a hngak.

 

Na hman ding thil tiarcia aw- Pathian in hnattuan a lo pek ding.

(Visited 23 times, 1 visits today)

Comments

comments

Comments

%d bloggers like this: