Na Pathian Zo A Si?

Na Pathian Zo A Si?

Siar:

Daan. 6:1-6

Bawipa na Pathian cu na thinlung zate, na nunnak zate le na thazaang zate’n na duhdawt pei.

-Daan. 6:5

Kumkhat Sung Baibal:

Ezekiel 13-15

Thufim 11:22-31

Veikhat cu mithi vuinak ah mithi pa ih thu mi pakhat in a sim ka thei, “A Pathian thawn naizet in a um. Atu cu, him te’n a um,” tiah a ti.
Mikip in Pathian nei ciar thei in an duh daan vekin um thei in kumkhua nunnak um thei sehla ka duh. Cutikah thihnak hi a thupi nawn lo dingih zumlotu pawl an thih tikah khui ah an feh ding ti kan poisat khal a ttul lo ding.
Asinan Bible in Pathian pakhat lawng a um, Bawipa Amah pakhat lawng hi kan Pathian a si (Daan 6:4). Amah cu a thianghlim (Pui. 19:2). Amah thawn pehtlai aw dingah Amai’ tahfung kan baan thei lo tiah a ti. “Kan zate’n misual kan si ttheh ih Pathian sunlawinak kan co baan lo” ( Rom 3:23). Kan sualnak in Amah thawn in hlatter.
Duhdawtnak thawn vancung ih kan Pa in, kan sualnak man ih thitu, a famkim mi a Fapa Jesuh ihsin Amah hnenih thlen theinak lamziin in tuah sak. “Pathian in leilung hi a duhdawtzet ruangah a Fapa neihsun in peek ih Amah a zumtu hmuahhmuah cu thi loin kumkhua nunnak an nei ding” (John 3:16). Asinan kan thinlung tangdornak thawn Amah ih sual ngaidamnak peekmi kan cohlan a ttul.
A dikmi Pathian pakhat lawng a um. Amah cu a thianghlim ih Jesuh Khrih thawng ih kumkhua nunnak lamziin in peek a si. Amah cu na rinsan mi Pathian a si maw? Ttha te’n ruat aw, thupizet in.

Vancung ah umnak ding inn rem cia in a um,

Ngaithiamnak le kumkhua nunnak laksawng;

Rinnak in a cohlangtu hmuahhmuah hrangah le,

Khrih thawngin a zumtu pawl hrangah!

Vancung luhnak dingah na theih mi pa zo a si ti a thupizet.

Comments

comments

Comments

%d bloggers like this: