Na Nun A Buaituk Tikah

December 9

Tlawngkai Nithum

 

Na Nun A Buaituk Tikah

 

Siar:

1 Siangpahrang 3:4-14

 

Maw Bawipa, mino ka si hrih ruangah ram uknak thu zianghman ka thei lo nain, ka pa ai ah siangpahrang i cangter.  – 1 Siang. 3:7

 

Kumkhat Sung Baibal:

–    Daniel 11-12

   Juda cakuat

 

Jimmy Carter cu US Ti Lawngpi raalkap bur ah hotu minote a si. Carter in Tihnuai Lawng raalkap bur uktu Hyman Rickover kha a rak uar nasazet ih a nunnak ah a zohtthim le a cawn mi a si.

     

Netalam ah Jimmy Carter cu American President ah a hung cang. Ram hruaitu a ttuan thoknak puai an tuah hnu rei lote ah General Rickover cu White House sungah suncaw ei tlang dingin a sawm. Rickover in cuih suncaw an ei tlangnak ah, “Maw Bawipa tipithuanthum cu a kautuk, ka lawng cu fate takte a si fawn,” tiih ca nganmi thirpheng laksawng a pek. Cuih thlacamnak ttongfang cun kan nunnak lamtluan ah tuah ding a tamzia le kanmah te’n tuahthei kan si lozia fiangzet in in hmuh sak a si.

     

Solomon khal in nun ti buaitu a um ti a thei. A pa David, Israel siangpahrang ih ai a run awh tikah Pathian hnenah a tlamtlin lonak a phuang aw, “Maw Bawipa, mino ka si hrih ruangah ram uknak thu zianghman ka thei lo nain, ka pa ih ai-ah siangpahrang i cangter” (1Siang. 3:7) a ti. Cule Pathian lungkimnak in mipi a hruai theinak dingah fimnak a dil (c.9).

     

Na nun hi a buaituk in na thei aw maw? Olsam te’n na ti thei lomi a um lo men ding. Asinan na dil ahcun Pathian in fimnak a lo pe ding (Jeim 1:5). Leitlun hnaihnoknak nangmah lawng in na tawng lo ding.

 

Mizaan ihsin nitin ten zirmi kan nei,

Pathian ih a maksakmi duhdawtnak le kilvennak;

Phurrit kan neihmi hmuahhmuah,

In phurh bawm zo a si ti a fiang.

 

Kan tlamtlin lonak  kan theih fiangnak in

Pathian ih natsatzia kan pom thei ding.

(Visited 28 times, 1 visits today)

Comments

comments

Comments

%d bloggers like this: