Na Lungput Daan Zohhliah Aw

April 15

Tlawngkai Nithum

Na Lungput Daan Zohhliah Aw

Siar:John 3:22-36

“Amah cu a tthangso dingih kei cu ka ttumsuk ding,” tiah a ti. – John 3:30

Kumkhat Sung Baibal: 1 Samuel 27-29 Luka 13:1-22

Awnmawi zirhtu le hlasak thiamzet Phunsang Tlawng saya pakhat in Biakinn tumpi ih choir saknak ah mipa solo sak ttulnak ah a sak ringring. Zirnak nei lo Bob timi mino pakhat in solo tawite sak ttulnak ah a sak ttheu. Hlarem hruaitu nu in Christmas catatahla sak ding a timtuah tikah Bob ih aw le sak daan kha a ttha sawn in a ruat nain saya pa ninghangter cuang loin Bob sakter ding daan a ruat thiam lo.

A helhkam reromi hi thil ttul cu a si lo. Awnmawi thiam tupa ih ruahnak ah tla cuvek cekci in a rak si ve. Hlahruaitu hnenah Bob in a sak le a ttha ding tiah a sim. Hlarem saknak ah rin-umzet in a peh vingvo tikah Bob ih hrangah thazaang a si.

Mi in mai’ duhnak thinlung tluangtlam te’n an taanta ih midang tthatnak an hawl tikah Pathian lungawi zawng lungput daan a si. Baptisma petu Johan in a dungthluntu amah taan in Jesuh hnen an feh tikih a ttongmi na cinglai maw? “Amah cu a tthangso dingih kei cu ka ttumsuk ding” (John 3:30) a ti.

Tihnimnak petu Johan le awnmawi thiam pa ih bang awknak ziang a si? “Pumpak duhnak” an taanta veve. Miseenpi tthatnak dingah midang anmah hnakih thiam le ttha an um an hmuh tikah an lung a awi. Kannih teh cuvek in kan ti thei ve pei maw?

Himi cu zirnak saangbik a si,

A harbik le a tthabik a si fawn;

Mah taangta ih feh vingvo,

Midang ttihzah upat peknak.

Mah le mah kan hngilh awk tikah midang in kan tuahmi in thei.

(Visited 25 times, 1 visits today)

Comments

comments

Comments

%d bloggers like this: