Na Lung Thlengh Aw

 

July 25

Zarhte Ni

 

Na Lung Thlengh Aw

 

Siar:

Tirhthlah 26:12-23

 

Nan sual sir aw uhla Pathian hnenah kir uh; cule nan sualsirnak langtertu hnattuan kha ttuan uh.     – Tirhthlah 26:20

 

Kumkhat Sung Baibal:

–   Saam 37-39

–   Tirhthlah 26

 

Ka uarzetmi Ttawnttok (Carttoon) pakhat sungah Charlie Brown in Snoopy kha “Pathian Thu cabu pakhat na ngan ti’n ka thei. Cabu hmin kha ziang a si?” ti’n a sut. Snoopy in, “Cabu hmin tthatuk ka nei: “Na palh pang ding ti na phaang dah maw?” timi a si, a ti.

 

Snoopy ih cabu hmin in Pathian kan theih daan le Amah ih in theihter duh daan hi a caancaan ah a kalh awk thu in theihter. A dik lomi zumnak in a dik lomi nunzia a suahter ruangah “Sual sir aw in Pathian hnenah kir saal ding le sualsirnak langtertu hnattuan ttha ttuan kan ttul” (Tirh.26:20) .

 

Greek ttong in, “Sualsir” (repentance) timi cu matanoeo ti a si ih, a sullam cu “na lung thlengh aw” tican a si. Pathian hmai ah lusut men ih mah fehnak zin kelte zawh a si lo. Kan thinlung khuaruahnak Pathian hnen lam a hoi a si ahcun kan nun in a thlun ding. Kan thinlung Pathian lam a hoi a si ahcun kan tuahmi pawl khal an thlengh aw ve ding.

 

Kan duhhrilmi (choice) hi a dik hmang tiih lamhlapi feh hnakin hmanhman te’n cawl in Snoopy ih thusuhnak kan sut awk a ttul. Paul ih a zirh bangin misual kan si ti kan phuan awk lawngah Pathian ah miding kan si kan fiang aw thei ding.

 

Kan palh tikah kan phuan awk a ttul,

Kan sual a si ti’n kan sim a ttul;

Pathian huham in mi a damter ti kan theih ahcun,

Kan sunglam ihsin in thianfaiter ding.

 

Kan duhmi thudik thawn kan bang awkter ahcun,

Thudik cu kan duhmi thawn an bang aw ding.

(Visited 43 times, 1 visits today)

Comments

comments

Comments

%d bloggers like this: