Na Hrangih Nungtu An Um Ti Hngilh Hlah

14991806_1232701956787086_3447652344147578629_n

Fanu pakhat lawng neitu innsang rethei zet pakhat an rak um. An innsang hrangih sum hawl theitu cu a pa lawng a si ruangah, rilrawng tihal lo in an um fangfang. Asinan sumpai haidaih an neih lo can khal ah, innsang pa cun a fanu cu leitlun ih sibawi thiam bik siter ding in sunmang a man ringring. An fanu cu a duhdawt tuk lawmam ruangah ziangkim in tuahsak a huam.

An fanu khal a fel zet. Phun hra khal mark ttha bik ngah in a ong. Cutikah a pa cu a lung a awi tuk ih, “Tuini cu nangmai’ ruangah ka lung a awi in, ka uang aw tuk. Leih na duh mi cu ziangvek a si khal ah i sim mai aw,” a ti.

An fanu cun, “Papa, kan dung ni ih ka lo hmuh mi hnipuan kha ka duh. Asinan thawng za tampi man a si. Curuangah khami ni ahkhan lei ka lo dil ngam lo. Asinan zangfahte’n i leih sal hram aw,” a ti.

A pa cun leinak ding daih paisa a nei lo nan, leih ding in a lung a kim. Ziangahtile a fanu ih riahsiat ding a phang. Curuangah a thaisun ah cumi hnipuan cu a va lei ih a fanu a pe.

Cumi cu a nupi in a rak hmu ih, a leinak ding daih paisa an nei lo ti a theih fawn ruangah, “Ziangtin khami hnipuan leinak ding paisa na ngah?” tiah a sut. Cutikah a pasal cun, “Khawl cia mi mallai ka nei ih, hnipuan man daih ding in ka thisen ka zuar bet. A riahsiatter ka duh lo,” tiah a sawn.

Can a liam vivo ih an fanu cu siivailam phunsangtlawng ah a lut. A tlawngkai man kuan thei ding ah a pa cu rethei zet in hna a ttuan ttheu. Cutin kum khat hnu kum khat an pahtlangh thei nerno vivo ih, netabik kum a rung thleng. Cutikah an fanu ih tlawngkainak ding man cu thawng za tam tuk a ttul thlang.

A pa cun cumi zat paisa a nei lo nan, tlawnginn ah a va pe thei. Cumi a theih tikah a nupi in, “Ziangtin khami paisa na ngah? Khami paisa ngah ding ah thil ttha lo na tuah mawsi?” tiah a sut. Cutikah a pasal cun, “Kaileng nat nei mina a um ih, a kaileng thleng a ttul. Cumi hnenah ka kaileng pakhat ka zuar. Asinan himi thu hi kan fanu sim aw hlah. A theih ahcun mawhnak nei ah a ruat aw pang ding,” tiah a sawn.

Cuti’n an fanu in degree a run ngah ih a thaisun ra tlung ding a si. A nu le pa cun an fanu cu hngakhlap zet in an rak hmuak. Ziangahtile sibawi dinhmun ih inn a thlen hmaisabik ding ni a si.

Asinan an fanu cu mithi ruak sawn in a ra thleng. A duhdawt mi tlangval in a phatsan ruangah amahte a that aw a rak si.

Nunnak tiang hlan ih duhdawttu le hngakhlap zet ih amah rak hmuaktu a nu le pa hrang ahcun…..

Sirhsan: www.moralstories26.com

-Sianglianuk Kianghrol

Comments

comments

Comments

%d bloggers like this: