Na Hrangah Khuakhannak Tthasawn

March 18
Zarhpi Ni

Na Hrangah Khuakhannak Tthasawn

Thihnak tuar ding a si hmanah ka hrangah rinsantlak in um uhla nan neh man ah nunnak sui lukhuh ka lo pe ding.
– Thuphuan 2:10

Bible Siar Ding: Tirh. 6:1-7; Thup. 2:9-11

Dungthluntu hleihnih pawl in zumtu dang pawl hnenah an lak ihsin zumtu pawlkom sungih hnattuan dang tete ttuantu dingah mi pasarih hril dingin an fial. Cu mi pawl cu hminsiatnak nei lomi le Thlarau Thianghlim in khatmi an si ding. Cuih an hrilmi mi pasarih pawl cu mi zaraan tete an si ko nain Thlarau Thianghlim ih khatmi an si ih Thlarau ih an khahnak in mi zaraan hnakih cuangce dinhmun ah a hlirso hngai a si. Bawipa in “Thlarau Thianghlim le meisa thawn” baptism a pe thei a si (Mark 3:11).

Mipi in an lak ihsin hnattuantu dingah mi pasarih an hril. Rinhlelh ding um loin annih cu ttuanvo an neihmi parah mi rin-umzet an si. Asinan an lakih mi pahnih Filip le Stephen ih nunnak ah Pathian in cumi hnakih tthasawn khuakhan lairelnak a neihsak zia kan hmu thei. Filip cu Thlarau Thianghlim thawn a khat ruangah Pathian ih a umternak hmuntin ah tthangphawknak a umter thei (Tirh. 8:5-8; 26-40). Mipi pawl cun ei le in tawlreltu dingah an hril nain Pathian cun thlarau hlo kaitu dingah a hmang.

Kei cun zumtu na nunnak ah Pathian in a tthasawn lairelnak a lo neih sak thei timi hmu thiam ding lawng na thinlung ka lo thoter thei. Pathian hmaika ah tangdor le rin-umzet in na um asile Pathian in Thlarau Thianghlim in a lo khatter ding. A hrangih bungbel thianghlim ah a lo hril dingih thlarau hlo rundamnak hnattuan sunglawi le minaa damter theitu dinhmun ah a lo khaisaang thei a si. Zumtu mi pakhat cu Thlarau Thianghlim thawn a khah ahcun tithei lomi zianghman a nei lo ding. Thlarau Thianghlim huham thawn na khah tikah na fehnak le na umnak hmun kip ah Pathian in na nunnak hmangin mangbangza thil a tuah ding a si.

A Thlarau thawn na khah tikah na nunnak hmangin Pathian in ziang a tuah ding timi parah nang in zianghman idea na nei thei lo. Nitinte ziangvek caan khal ah Pathian ih vanlam kilvennak le kaihhruainak sungah na tlangleng ding. Thlarau Thianghlim thawn khat ding hi ziangtinkim ah a thupibik le a maksakbikmi a si.

Leitlun tah daan ih mifim le mithiam pawl in Pathian ih kawhhran sungah dinhmun an nei thei lo. Pathian ih a duhmi tlinnak cu, pumpek nun neitu, mi rin-um le nun thianghlim neitu le pawl lawng an si ih cumi pawl lawng thlarau mei-alh hlio in a hmang thei a si.

@ Smith Wigglesworth

(Visited 26 times, 1 visits today)

Comments

comments

Comments

%d bloggers like this: