Na Hmuitinmi Saangter Aw

November 8

Tlawngkai Nikhat

Na Hmuitinmi Saangter Aw

Siar:

Hebru 5:13–6:3

Famkim dingin zuam aw uh. Ka lo dilnak kha rak ngai uh; remte le daite in um uh. Cule duhdawtnak le daihnak Pathian cu nanmah thawn a um ding. 2 Korin. 13:11

Kumkhat Sung Baibal:

–    Jeremiah 43-45

–    Hebru 5

Ka fanu teih innsang in in ra tlawng. Ka fapa le ka makpa pahnih thawn mipa pawl lawng vah theinak caan ttha kan nei.

Nunau vial dawrpi sung an leen sungah meithal kah zirnak ah kan feh. Pistol meithal pahnih kan hmang ih hmui kan bat. Hmui kan bat rero lai ah kan pali ih kan theihsuakmi cu kan hmuitinmi a niamtuk. Cuih kan hmuitinmi kan kap ahcun hmuibahmi hnuai kan ngah. Hmuitinmi a saan deuh lawngah hmubahmi ih a laifang kiangkap kan ngah thei.

Milai kan nunnak khal hi cuvek thawn tampi an bang aw lo maw? Kan hmuitin a niamtuk ahcun kan tuah thei ding zat kan tuah ngah lo. Kan tumtahnak thleng thei dingah hmuitin sang neih a ttul caan a um.

Ziang tumtahmi kan neih ding a ttha? Ziangtluk saang hmuitinmi kan nei ding?  Bible cu kan lamhmuhtu dik a si vekin thlaraulam pitlinnak hmuitin ding kan si. Korin khua zumtu pawl hnenah Paul in, “Famkim dingin zuam aw uh,” (2 Korin. 13:11) a ti hngai. Jesuh khal in, “Vancung ih a um nan Pa a famkim vekin nannih khal nan famkim ve pei,” (Matt. 5:48) in ti.

Famkimnak cu a saangtukmi hmuitin a si ih hih leitlun ahcun kan ngah thei lo men ding. Asinan Pathian sunlawih kan duh ahcun famkimnak thawn a nai awmi hmuitinnak saang kan neih a ttul.   – Dave Branon

Sunglawi Ruuntu, Nangmah bang ding,

Himi hi ka duhmi le ka thlacamnak a si ringring;

Leitlun hlawnthil ka neihmi hmuah lungawite’n ka sung ding,

Jesuh, Na famkimnak hruk dingah.  – Chisholm

Lungthlenghnak cu camkhatte sung mangbangza cangmi a si, Pitlinnak cu nundam sung hmuah a awh.

Comments

comments

Comments

%d bloggers like this: