Na Hmuhnak Kauter Aw

January 3

Nipi Ni

Na  Hmuhnak  Kauter  Aw

 

Siar:

Matthai 28:16-20

 

Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmin in baptisma va pe uh.    – Matthai 28:19

 

Kumkhat Sung Baibal:

–   Seemtirnak 7-9

–   Matthai 3

Missionary pakhat thawn kum 70 luan zomi putar David in suncaw ei in sawm. David cu cuih missionary ih hnattuannak hrangah siangzet ih sumsaw hlutu a si. Missonary ih hnattuannak ram thleng dah lo hmansehla thla a cam tikah rawl hrangah lungawi thu a sim. Cuih missionary ih hnattuannak hmun pawl, minung pawl le thil um daan hrangah har lo te’n thla a cam thei. Cu pawl hrangah thla a cam ringring ruangah an ttul vekin thla a cam sak hngai thei. Putar David cun an ram Singapore lan tiangin ram thar hrangah hmuhnak kau a nei.

Jesuh in leitlun mission hnattuannak hrangah hmuhnak kau nei dingin thu in pek. “Curuangah miphun hmuahhmuah hnenah va feh uhla, ka dungthluntu va siter uh; Ka thupekmi hmuahmuah thlun dingin va zirh uh” (Matt. 28:19-20) a ti. Leitlun pumpuluk fehnak ticket lei in fial lo. Kan suahkehnak hmun lan in khualtlawng dingah caan ttha kan nei lo thei men. Sihmansehla kan khua le kan ram taanta loin leilung parih thil cangmi ah kan tel thei ve.

Ziangti’n kan tel thei ding? Na kiangah ramdang tlawngta a um maw? Hmun thar ah nuntu khawsak harsa ramdang mi innsang an um maw? A thin nuam in na tuah theimi, lungleeng mi an um maw? Cu pawl hnenah Jesuh ih duhdawtnak thuthangttha va hlawm cu na hrangah tipithuanthum kaan ih thuthangttha sim daan phun khat a si.

 

Bawipa, ka leilung kauter aw,

Na hnattuanmi sungah hmun khat te si ka duh ve;

Na hmuh vekin hmuh theinak mit, mi dang riantu kut le,

Na thuthangttha seuh duhnak thinlung i pe aw.

 

     Jesuh ih mit thawn na zoh asile a ttulsam mi leilung na hmu ding.

(Visited 31 times, 1 visits today)

Comments

comments

Comments

%d bloggers like this: