Na Hawl mi Taktak Ziang A Si?

Tui san ahcun hmun tampi ah:
Taksa ih tattoo zuk zuai pawl cu midang hnakin khaw hlum an thei cuang. iPhone hmangtu pawl cu an hnipuan ah zalte a um nawn lo. Rolex nazi buntu pawl cu angki ban bil an hmang. Sui haa buntu pawl cu an ttong a tam duh cuang.

Tthitumnak tuah hlan ah nupa nun hmangtu an tam. Nei aw zotu lakah a hranhran ih um an tam lala fawn. Rannung pawl cu minung vekin hnipuan hruhter an si ih, minung pawl cu rannung vekin kan taksa a lang tam deuhdeuh.

Nauhak pawl in pitling pawl ih tuah mi an thiam thluh thlang (18+). Upa pawl an mit a no (ler) sinsin fawn. Nunau an pathai (mipa nun in an nung) ih, mipa an nuthai (nunau nun in an nung). Mi rethei pawl cu zah-umnak duh ah mi neinung vekin an nung. Mi neinung pawl cu an nun himdamnak ding ah rethei vekin an nung lala.

Thupte nupi cun nupi ngai hnakin pasal an duat ih, nupi ngai cun tthen ding phang in thinsau an suah. Mi neinung pawl in “kan tluang lo” ti cing in tlakrawh inn pakhat hnu pakhat an sak. Thlahhlawh ei pawl cu an ngah zat hmang thluh in, an rethei sinsin.

Taktak ahcun:
Thawng thum man nazi le ting sawmthum man nazi ih an kawhhmuh mi canbi cu a bangrep ko. Za nga man kuak le ting nga man kuak khal in cancer nat an suahter dan a bang aw thotho. Pii sawmthum vuakvel inn le pii za thum vuakvel inn khal ah, umhar ding ahcun um a har thotho. Zaran tohkham ih totu le business class (tonak mankhung) ih totu khal cangsualnak an ton ahcun inn ah an thleng lo veve ko.

Kan ruat a ttul mi cu:
Thin nomnak hawl tuk ruangah kan thin a har ttheu maw?
Neihnun duh tuk ruangah kan nun a rethei pang maw?
Sunlawi duh tuk ruangah kan thin a buai pang maw?
Lungawinak hawl hmuh tum ciamconak ruangah kan riah a se ringring pang maw?

Credit: Ein Pay Lay

Sianglianuk Kianghrol

 

Comments

comments

Comments

%d bloggers like this: