Na Fala Duhzawng Le Thlem Daan Ding

Na Fala Duhzawng Le Thlem Daan Ding

Salai Thengre

Thuphan sim cu lehhnu ah na buai sal ding ruangah thupphan cu sim hlah. Cun, mipa na si vekin na sim ding mi kha fiangte’n sim mai aw, a lo duhlo dingn le duh ding cu amah lam hnaṭuan a si. Cun, na duh mi taktak cu duhlo vekin na be lo ding. Na duhnak ṭhaten na langter ding.

Na thuhla kha fiangten na sim cia ding. Porhawk ciamco a ṭul lo. Tangdor tuk tla a ṭul cuang lo. Na si daan vek ten na simfiang ding. Cun, nan biakawk hmaisabiknak ah duhdawtnak tlasam tuk vekin na um lo ding. Cun, romantic tuk khalin na um lo ding. Nangmah le nangmah na rinsan aw dingih diing ten thu na sim ding.

Na tuah thei ding ahcun a phur zawng le a mangbang deuh ding mi a theih dah lo mi thil sim ding thei thei awla a lo bawm zet ding. Na theih cia vekin nunau cu a zawl ih zawl, a kherh ih kherh a ṭul ringring ti kha hngilh hlah aw. Naute bangin na zawi-ee thei ding ih zawhte bangin na zuut thei ringring a ṭul ti tla na thei ringring ding. Na thin tawi ter hlah, na duh ngaingai le.

A cangthei ahcun a hmuah ding le a thlah ding kha mang ringring aw. Thil na tuah pi ding tikah le na vahsuah pi ding tikah tumtahnak felfaiten nei cia aw. A duh dingin na lem thei ding le a duh dingmi kha na tuah sak thei ding a thupi.

Na fala in a lo duh thei ding ahcun a phunphun na tuah sak a ṭul. Pangpar le thil dangdang na lei sak ding. Sangka tivek na on sak ding. A lo nel deuh le na angki tivek I rak kensak duak tivekin na fial ding. Khavek kha an ngai naa. A tawizawng cun “be a real gentlemen” ti a si ko.

Na thinbang hrimhrim hlah, ka fala in a duh lo pang ding le ziang tin I ruat ding timi ruat hrimhrim hlah aw. Mipa takin tuah ding mi ṭha na timi cu ngampa takin tuah ko aw. Cun, a kiangkap ih um nuam na tizia tla lang ter thei ringring aw. A kiang ah hlimhmel zet in um aw. Hnihsuah sai aw. Thinharnak sim hlah.

Na tumbik ding cu lungawi ko na tuah thei ding kha a thupi. A movie duhzawng, ziang a phur zawng le a tuah ṭheu mi pawl sut tengteng aw. A thu relmi ngai ṭha aw. Rak tlawk ve ciamco hlah. Nan tonawk veten hni ṭheu aw. Cule na phur na lungawi ti a thei ding. A mawizia le a duhnungzia sim ṭheu aw. Ziangkim nan tuah tlangnak ah manhlap ṭheu hlah. Nuam tete in feh pi awla, a thusimmi ṭhaten ngai aw.

A tlun ih ka tarlang mi na tuah thluh ih a lo duh lo thotho asile, thlalang ah zohaw sal aw. Na hlawhsam sal hrih thotho asile himi cangantu in a lo bawm ding.


Comments

comments

4 Comments

  1. tlangval dang raknei cia teh a lem dan a um maw?
    cun hmun dang ih um teh.

  2. haaa…a tha tuk..kan i lawm tuk mu…van tthan lengmang law

    kei zong idea tampi na ka chap thanks

  3. Haaaaaaaaa
    A tha nasa! A ngan tu pa teh in a tuah ke maw ti ka ruat phah!
    Hi Hi,a tha law law!

  4. Mi aa pawl,

    Mipa cun mai’ duhmi cu mahte tawlrel ding!
    Fala le tlangval thu ah midang ih Guide rero hi a ṭha lo.
    Mahte mai’ cangai khorh fukfo mei ding.
    Woman needs: time, care, comfort, huge and sex!
    Thanks!!!!

Comments

%d bloggers like this: