Na Buaituk Maw?

October 4

Tlawngkai Nikhat

Na Buaituk Maw?

Siar:

Matthai 11:25-30

“Thilrit a phurmi le zonzaih a tuartu pawl, ka hnenah ra uh, colh damnak ka lo pe ding. Matthai 11:28

Kumkhat Sung Baibal:

Isaiah 20-22

–   Efesa 6

Vei khatkhat cu ka rualpi pawl in, “Na buaituk (busy) maw?” ti’n in sut ttheu. A poituk lemlo na’n thinnuam lo ko in i tuah. Phuhrung nawn aw vekin ka um. Hnattuan ding tampi ka neihmi ka tuah suak lo tikah santlai lo vekin ka ruat aw.

Sihmansehla, Pathian in ziangtluk kan man lo timi in kan tthatnak a tah maw? Kan hnattuan ttheh suakmi in kan man a khiak maw?  Kanmah le kanmah hman fingkhawi aw man lo khop tiangtiang in buaizet ih hna kan ttuannak ruangah ttuan man laksawng in pe maw?

Ka nauhaklai ih Bible caang ka theih hmaisabik pakhat cu Matthai 11:28, “Thilrit a phurmi le zonzaih a tuarmi pawl ka hnenah ra uh, colhdamnak ka lo pe ding,” timi hi a si. Culai ahcun thupi ah ka rak ruat lemlo. Ziangahtile thinbaang timi hi ziang a si ti ka rak thei lo. Atu ka upa tikah mi dunglam ih taang lo dingin zuam duhnak thinlung ka nei. Asinan Jesuh dungthluntu pawl cu cutivek ih um a ttul lo. Sualnak sal sungin in luatter lawng si loin ziangtluk thil ka ti thei ti ih mah le mah ttemttawn awknak sung khalin in luatter a si.

Pathian hrangah tampi hna kan ttuan suaknak in mi thupizet ih ruah awk a olte.  Pathian hmai ah mi thupi ih in tuahtu cu kan sungah amah cu ziangtluk kan ttuan suakter thei timi hi a si. Pathian in A Fapa hmuihmel bangtuk si dingin in tuah (Rom 8:28-30).    – Julie Ackerman Link

Pathian in man lozet ih ttuan in fial lo,

A kehram ih colh caan nei lo tiangin;

Ruahsannak thinlung thawn hngak duhnak lungput cu,

A famkim bikmi hnattuan ah in ruat sak. – Anon

Kan man cu Pathian hrang kan ttuannak in tah a si lo,

kanmah sungin ziang hna a ttuan ti a si sawn.

Comments

comments

Comments

%d bloggers like this: