NA BAWM THEILAI MAW

January 12

Tlawngkai Nikhat

 

Na Bawm Theilai Maw?

 

Siar:

Luka 23:33-43

 

Thu ka lo kam a si: tuih sun ah keimah thawn Paradise ah na um ding. –Luka 23:43

 

Kumkhat sung Baibal:

          Seemtirnak 29-30

          Matthai 9:1-17

 

Kum 110 a simi Israel tuukhal pa Bedouin cu Beersheba siizung ah lungnat tuar in a um. A upa zo nain siibawi pawl in nasazet in a nunnak cu an ruun suak. Cumi pa cu sii tel lo ih lungnaa an tuah dammi lakah upabik a si ding. Bedouin cu Negev thlaler ih a thlaam sungah a ttilva pawl kilkhawi dingin a kir saal.

 

Hih kum 110 upa zo an tuamhlawm daan hin Jesuh in bawm thei nawn lo ding a bomnak a langter. Miphar le mi ih dungtun ih hnonmi pawl mi ttha zaraan khal ih bom theinak lengih ummi an si nain anih cu bom duhnak a neilai thotho.

 

A tuarnak ruangih harsatnak thawn a umlai hmanah bom theih nawn lo dingih ruah ciomi mi thizik a rundam lai hrih. A bom mipa cu misual, thi tlak ih ruah mi kumkhua thihnak ih thleng zikte a si. Jesuh in cu pa ih bom a dilnak au aw cu thei in, “Tuihsun ah keimah thawn Paradise ah na um ding,” (Luka 23:43) a ti.

 

Tuni ah bawm theih nawn lo ding mi na thei maw? Nangmah tla ruahsan ding nei loin na ruat aw thei men. Baibal ih simmi Pathian cun kum upatuk zo, mi sualtuk le ttawnttaituk zomi pawl bawm thei nawn lo dingih ruatmi pawl a bawm.

 

Jesuh in mi nauta pawl a hawl,

Mi in an theih lo tikah;

A tthatnak le a ngilneihnak cun,

Mi bawm ding a duh.

 

Pathian cahnak cu kan ttonttaihnak sungah fiangbik ih hmuh thei a si.

Comments

comments

3 Comments

  1. To,
    Editor, a hmaisain cibai ka lo buk. Nan webside ka rak siar theu ih, nan thazangsuah nak i zarah hi tawk um hmunin thuthang awl samten ka rak siar theu ih ka lung a awi nasa. Ka pu, nan hnatuan nan buaizet ding ti ka lo zum nan, keimahten zianghman ka ti thei lo ruang ah, nan mi bawmnak dil in nan hnen ka rawn lo pan a si.
    Tu hi B.TH zirin India ram Jaipur ah ka um ih, zohman rualpi tha leh tipi tu tha ka neih lo ruangah, bawmnak dil in nan hnen ka rawn lo pan a si. Tu Thesis ngan dingin ka tawlrel rero laifang a si ih, ka topic chu, “The Biblical Principles of Pastoral Ministry with Reference to Presbyterian Church, Falam” ti mi a si. Hi tawkah chabu ka tawn theilo ruangah hi tawk nan website ah in tarlangsak dingin nan zangfah nak ka rawn lo ngen a si.
    Ka cauk duh mi cu, kanmah Falam History leh Falam Presbyterian Church History a si.
    In tarlangsak thei dingin zangfah ka lo dil. Intisak thei ah cun ka lungawi nasa ding. Nan tanpi nak diltu

    Bika
    Jaipur, India

  2. Duhdawtmi Bika

    Falam mi le sa pum huap ih groups mail Rihli (Rihli@yahoogroups.com) ah rak kuat awla tampi a lo bawmthei tu tla an um men ding..

  3. lai mi nih kan tuahlo ding mi pa thum[3]
    1-keimah ti thin lung
    2-uar awk nak lehngal nak
    3-huak awknak le rel siat nak

Comments

%d bloggers like this: