N.Korea Bomb Test Ram Dang Mipi In Zum Paa Lo

 

12506535_532775243551797_1777661086_n

 

North Korea pawl cun mi zaan January 6 tlawngkai nithum kan thazang a cak zet mi hydrogen bomb cu an test thu a phuang ih cuih thuthang pawl cu ramdang ni pawl in an zulo. Kan dung thla hrawng khan North Korea cun thazang cakzet mi hydrogen bomb a tuahsuah thu a phuang ih ramdang pawl in an zumlo.North Korea cun Nuclear bomb vei 4 rori an rak test dah zo uh tuit’um hi a veili nak a si.

Hi thu ruangah North Korea pawl cu ram dang mi pawl in an soisel nasa ih tuih Hydrogen bomb an test mi hi Hydrogen bomb taktak a si ding in kan zumlo a si tuin ramdang mi pawl in an ti celcel.North Korea cun hydrogen bomb a test lai video ah a thlah ih ramdang pawl in an zoh tikah hydrogen bomb cu thazang a cakbik mi bomb a siih tuih an test mi cu H- bomb si ding a banglo tiin an ti.

UN secretary Council pawl cun North Korea in thil awm anglo tuk a tuah uh ruangah daan pek an si ding thu a sim. Hi thu ruangah tuini ah USA pawl cu White House ah Press Conference nak an nei ih USA cun The Washington Post thuthang ih an ngandan vek a si cun North Korea pawl ih test mi H-bomb an timi cu a si ngai maw si ngailo ti zoh fel nak an neih ding thu an sim.

Comments

comments

Comments

%d bloggers like this: