MZP / MSU Bawmnak Pek Dingmi Vaphai In Kham

May 14, 2013 4:10 am

923007_639316189416186_81277530_n

Saikhumphai bawmnak hrangah tiin MSU / MZP cun Mizoram hmuntin ah bawm an hung ih an khawng. Cutawk ah sumpai Rs. 228360 an ngah ih, culo khal ah, Buhfai, Ci te, Dal, le innsungsang thiltulmi tamtak an ngah tiin MSU facebook ah cun an tarlang. An ngahmi pawl cu MSU / MZP hruaitu pawl cun Saikhumphai ah bawmnak pe dingin an feh.

Cuti ih an feh cu Vaphai khua ih kawhhran upa hrekkhat in Dungtlang khua ihsin an rak hmuak. Hiti ih an rak hmuahnak san cu, Vaphai pawl hin Saikhumphai bawmnak thawn a an khua fehtlang ih ra MSU / MZP hruaitu pawl cu an khua fehtlang sianglo in an rak kham ding ti thu ruangah asi.

Buainak a suahlo nak dingah tiin kawhhran upa pawlin Dungtlang ihsin an rak sim cia. Dungtlang ah an cawlkhawm ih, thureltlangnak an neih hnu ah, ziangkhal lole buainak a suahsau vivo lo nak dingah tiin MSU / MZP hruaitu pawl cun Aizawl lam panin an tlung theh sal. Vaphai khua pawl hin, MSU / MZP pawl in an khua fehtlang ih Saikhumphai bawm an tum asi ah cun, anmah khal tuahmawh ih, an motor le an thilpek ding zaten siatsuah theh an tum tiin Special Report ah cun tarlang asi.

Comments

comments

Powered by Facebook Comments

Leave a Reply



Get Widget