Myanmar Rampi President Ding Cu March Thla Lawng Ah Hmin Pe Ding

Myanmar Ramdingkhawm Rorel innpi ih Chin MP pawl

Myanmar Ramdingkhawm Rorel innpi ih Chin MP pawl

Kan ram Myanmar rampi ih daan hrampi 59 (f) nak ruang ih NLD hotu Aung San Suu Kyi rampi president si theilo ding thu ah mipi titi lengvak tam zet a um. Zo in a tuan ding tihi tu tiang zum hmang ngaingai khal a um thei hrih lo. March 17 ni lawng ah hmin peknak a um lai ding.

Rampi presient le abawmtu ding hrang ih hmin pawl cu March 17 lawngah an hmin pawl pek thok a si ding tiin tuini ih ramdingkhawm rorel innpi ih thurelnak cun thutluknak an tuah fel zo thu Kayamut Media cun a tarlang.

Ramkulh tin ih president ding pawl hi ramdingkhawm rorel innpi ihsi hril ding mi a silo ih Rampi President in a duhmi hnen ih a pek ding mi a si ruangah Myanmar ram president hriltlin a si hlan sung ahcun zo an si tihi theih a theih hrih lo. Chin ramkulh hrang ih Chief Minister tuantu ding hrangih zum bik mi cu Pu Lian Luai a si.

Chin ramkulh rorel innpi hotu Pu Zo Bawi cun NLD party mi ihsin Chin ramkulh hrang ih Chief Minister hril dingin NLD CEC cun lairelnak kan nei tiin the Chinland Post pawl hnenah a sim. Hi tiih a simmi thawn ruah khawm tik ahcun NLD party ihsin rampi ukawknak hrang ih training kaitu mi pathum lakih tuanvo nei hrih lo cu Falam MP Pu Lian Luai lawng a tang.

Myanmar rampi hrangih president le a bawmtu ding mi pahnih pawl cu, Pyituh Hluatdaw MP pawl, Amyotha Huatdaw MP pawl le Ralkap palai aihawh pawl in an duh mi hmin pawl hrilsungnak an tuah ding.

Hrilsung mi MP cu Myanmar rampi rorel innpi ih roreltu MP 664 pawl in vote peknak thawn hrilnak an nei ding ih vote a ngahtam bik tu cu President ah le, a sang naih biktu pahnih cu a mah bawmtu an si cih ding.#

Comments

comments

Comments

%d bloggers like this: