Myanmar Rampi In Kum Upa Pawl Kilhimnak Daan Ruangaam Tuah Ding

Ramdingkhawm Myanmar rampi rorel inn in kan dungkum December 30 ih a lungkimnak vekin, kum upa pawl kilhimnak daan ruangaam pawl cu tuahthok a si thlang ding tiin Ministry of Social Welfare, Relief and Resettlement (SWRR) pawl cun an phuang.

An tuahser thar dingmi 2016 – 2020 daih, kum upa pawl kilhimnak thu ah, hardamnak hrang ih kilhimnak hi thupi zet ih an ruah mi a si dingih, Thailand ih bawmnak thawn kum upa kilhawitu ding pawl zirhnak le mipi ih tulmi pawl zingzoinak khal an nei ding.

A netabik Myanmar rampi mipum cazin siar mi ih hminsin dan ahcun kum 65 lan mi 2,897,563 (rampi mipum ih zatek 5.8) tluk an um. Nauhak kum 15-32 tanglam hi million 14 an si ih kum 15 – 64 karlak ih mipum million 32 pawl hi hnatuan thei mi an sitiin hmin sin a si.

Kum 2025 ahcun rampi mipum ih zatek 15% hi kum upa an si dingih mi 500000 lenglo in kilkhawi an tul dingtiin thlirlawknak ihsin cun an hmu sung. SWRR pawl in 2014 ih an rak zingzoinak ah kum 60 tlun lam hi million 6 tluk an um ih kum 80 le 90 kim khal an pung zet tiin an hminsin ve.

Rampi mipum siarnak ih a hminsin dan ahcun Myanmar mipum 10 ah kum 60 tlun upa mi pakhat an um ih kum 2050 ahcun mipum 4 ah kum 60 tlun pakhat an um vivo ding tiin an ngan khum.#

– Sirhsan: Eleven Media

Comments

comments

Comments

%d bloggers like this: