Myanmar Ih Kum 90 Tlunlam Pawl in Penson Ngah Thok Ding

Kan ram, Myanmar ih kum 90 kim, tar upa pawl hrangah a cozah in bawmnak penson a pe thok ding. Hi a pek ding mi ah kum 90 kim lawng siloin, nunau thianghlim (siangbawi nunau pawl)  le phungki pawl khal antel ding. Tui zarh tlawngkai ninga ni ihsin bawmnak pawl an pe thok ding.

Tar bawmnak penson ngah thei dingin, suah hminsinnak ca, innsang hminsinnak ca, ram mi si hminsinak ca pawl thawn dilnak tuah theih asi. Tarumnak um, kilkhawitu neinawnlo pawl hrangah, khawbawi ih theihpinak, kilkhawinak hmun ihsin ca le vantlang pawlkom ihsin theihpitnak ca lole Social Welfare Department Naypidaw ihsi capakhatkhat thawn dilnak tuah ding a si.

Myanmar rampi acozah hin 2017-2018 hrang tar upa pawl bawmnak ding hrang MMK 420 million pek dingin an nemhget.

Tar pension diltu hi 31835 an um zo tiin Myanmar Times cun a tarlang. Tar Pension ngahtu pawl cun thlatin MMK 10000 an ngah ding. Hi bawmnak pek ding mi hi April thla lam ihsi rak thok rero zo mi asi nan June thla lawngah a ngahtu pawl cu a veikhatnak hrang bawmnak peisa peksuah a si dingih April thla ihsin June tiangih angah ding mi pawl khal an komtel thluh ding.#

(Visited 119 times, 1 visits today)

Comments

comments

Comments

%d bloggers like this: