Myanmar Ethnic Youth Exchange Nikhatnak Tluangten Theh suak

Myanmar Ethic

Zuk => Salai CLian

Theih zovek in kan dung lamih kan rak thanawk mi Myanmar Tlangpar mi, Mino pawl tonkhawmnak cu September 29 ni ah, Shwe-Mit-Mu-Tun Hotel ah tluangten neih suak a si. Hivek ih cangsuak dingih tawlrel tupawl tla cu “Mon Youth Progressive Organization (MYPO) pawl an si.

Hih hmun ahhin tlangpar mipawl in si seh, Khawsung misung in siseh mipum 107 an suak khawm thei. Hih lairelnak ahhin Pawlkom hmin in 30 in an telpi thei. Cui pawl cu KUS, GSYU, GYO, EYNG, AASYC, YIHI, Kymochaung, knjy, CSG, PYO, ZSYO, CSU, NSU, NLDYU, YNS, Bah-Kah-Tah, UKSY, ABSDF, MSYN, MYPO, NYEO, WG, Pe-Khu youth Network, SYBC, MGN, SU, MTSU, MY pawl tla an si.

Hih lairelnak ih a tumtah mipawl tla cu Myanmar rampumpi ih um mi, tlangpar mipawl ziangtin pehtlaihawknak kan neih dingih, ziangvek hna kan tuan a si le kan rampi a thangso ding, Tlangpar mipawl ih covo ziangtin kan co thei dingih, ram le miphun hrangah ziangvek in hna kan tuan tlangding timi pawl ruahkhawm a si.

Cui hleiah Tlangpar mipawl ih kan neih mi kan calai pawl cu ziangtin kan nau le pawl in an thiam thei ding? An hrangah mino pawl tangrual in ziangvek in hna kan tuan ding tipawl ruah khawm a si. Fimzirnak thu thawn pehpar aw in a ra suakkhawm tu rinsan mi mino pawl cu Groups 4 ah then in ruahkhawmnak neih a si. Lairel mi hmuahhmuah pawl cu lairelnak cem ni ah zoh sal a si ding.

Lairelnak ahhin kan Chin mi aiawh Salai Cyrus Van Tawk Thang le Salai C.Thian Lian Ham khal an tel. Cun Zomi aiawh ihsin 4 in an telpi thei ve. Tuituam ih lairel mi hmuahhmah hi tuahthatnak lawng men siloin Tuitum lairelnak ihsin Myanmar Ethnic Youth Network khal dinsuak in le daan fumfe zet neih thei ding khal bei sei a si.

Mon State ih an Calai lam ih an rinsan zet mi Sayamah Mi-Sa-Da khal in Tlangpar mipawl tong timi le Tappi tongih danglamnak, a thupi dan pawl khal nazi pakhat sung sim thannak a nei. A ra kai tu rinsan mipawl khal in an thinlungsung ruah har mi le an fiang lo mipawl cu zalen zet ih an suh hnuah, zirhtu khal in thinsau ten letnak a tuah sak thu The Chin Voice in thuthang kan ngah.

Ref: The Chin Voice

(Visited 227 times, 1 visits today)

Comments

comments

Comments

%d bloggers like this: